बुटवल, ६ पौष ।
बुटवल उद्योग बाणिज्य संघले २० औ संस्करणमा बुटवलमा औद्योगिक मेलाको आयोजना गर्ने भएको छ । आफ्नो स्थापनाको ६६ औ वर्षमा २० औ संस्करणको औद्योगिक मेलाको तयारी पुरा भएको संघले आज एक पत्रकार सम्मेलन गरि जानकारी गराएको छ ।
पत्रकार सम्मेलनमा बोल्दै बुटवल उद्योग बाणिज्य संघका अध्यक्ष खिम बहादुर हमालले मेलामा ५ लाख दर्शकले अवलोकन गर्ने र १३ करोडको कारोबार हुने अनुमान गर्नुभयो ।
पौष ९ गतेबाट संचालन हुने मेलामा बिस्थापनको पिडा भोगिरहेको पुरानो बटौलीको उजागर गर्ने बिषयमा अन्तरक्रिया गरिने, लुम्बिनी देखि रेसुंगा सम्मका पर्यटकिय स्थलको फोटो प्रदर्शनी हुने तथा मेलामै पहिलो पटक रट्यौली प्रतियोगिता राखिएको पत्रकार सम्मेलनमा जानकारी दिईएको थियो ।
आयोजकका अनुसार मेलामा ५०० बढी स्टलहरु रहनुका साथै उद्योग ब्यवसाय क्षेत्रका बिबिध पोभिलियनहरु रहनेछन् ।