काठमाडौं, ३० मंसिर । जडीबुटी संकलन गर्न जादा बेपत्ता भएका सुर्खेत जुम्ला तिला गाउपालिका ९ को ढिपुगाउका १२ जना सकुशल घर फर्किएका छन् ।
जडीबुटी सङ्कलन गर्न गएका उनीहरु चार दिनदेखि सम्पर्कमा आउन सकेका थिएनन् । उनीहरु सेतक चिनी, भुल्ते, धुपी र पदमचाललगायतका जडीबुटी सङ्कलन गर्ने भनेर पाटनतर्फ गएका थिए । जडीबुटी संकलन गर्न गएकाहरुमा ढिपु गाउँका धनबहादुर बोहोरा, नरवीर बोहोरा, तुल बोहोरा, ननिलाल रावत, सूर्य रावत, छविराज बोहोरा, जङ्ग रावत, सुमबहादुर बोहोरा, मनमाया बोहोरा, रेश्मा बोहोरा, लाउरी बोहोरा र कल्पना बोहोरा थिए ।
आफूहरु सकुशल घर आइपुगेको बेपत्ता भएकामध्ये छविराज बोहराले फोन गरेर जानकारी दिनुभएको हो । उहाले हिमपातका कारण बाटोमा रोकिन परेको जानकारी दिनुभयो ।
प्रतिक्रिया दिनुहोस्