काठमाडौं, २ मंसिर । इन्टेरियर डिजाइनर एसोशियसन अफ नेपाल (आइडिया नेपाल)ले आफ्नो १६औं वार्षिकोत्सव मनाएको छ । इन्टेरियर डिजाइनरहरुको पेशागत हक अधिकारको रक्षा र सम्वद्धनको लागि भन्दै २०६० सालमा स्थापना भएको आइडियाले १६औं वर्ष पूरा गर्न सफल भएको छ ।

आइडियाले आइतबार काठमाडौंस्थित कालोपुलको वेष्ट भेन्यूमा आयोजना गरेको विशेष कार्यक्रमलाई सम्बोधन गर्दै नेपाल चेम्बर अफ कमर्शका अध्यक्ष राजेशकाजी श्रेष्ठले नेपालमा इन्टेरियरको ठूलो जमात देख्दा निकै खुसी लागेको बताउनुभयो । विगतमा आफूले घर निर्माणमाइन्टेरियर डिजाइनरको प्रयोग नगर्दा २ पटकसम्म भत्काउँदै बनाउँदै गर्नुपरेको अनुभव सुनाउँदै उहाँले कुनै पनि संरचना निर्माण गर्दा नक्सा कोर्दा देखिनै डिजाइनरलाई लिने हो भने सोचेभन्दा राम्रो संरचना बन्ने दाबी गर्नुभयो ।

अध्यक्ष श्रेष्ठले नेपालमा इन्टेरियर डिजाइनरहरु व्यवसायिक रुपमा अगाडी आएकोमा बधाई समेत दिनुभयो । सहज रोजगारीको लागि इन्टेरियर डिजाइनिङ उपयोगी विषय भएकाले युवा पुस्ताको आकर्षण बढ्दै गएको र नेपालमा यो विषयको अध्यापनका लागि पहल गर्न नेपाल सरकारलाई आग्रह गर्नुभयो ।

आइडिया नेपालकी अध्यक्ष विन्द्रा कक्षपति प्रधानले नेपालमा इन्टेरियर डिजाइनरहरुको समुचित विकास र प्रवद्र्धनका लागि पहल गरेको बताउनुभयो । इन्टेरियर डिजाइनिङ पेशाको महत्व र प्रभाववारे जानकारी गराउँदै उनले हरेक व्यक्ति, घर, समाज अनि राज्यले पेशाको प्रभावकारितालाई बुझिदिन आग्रह गर्नुभयो । अध्यक्ष कक्षपतिले भन्नुभयो्, ‘आइडियाले स्वीट सिक्सटीन मनाइरहेको छ । यो उमेर भनेको उर्जाशिल र भविष्य कोर्ने उमेर हो त्यसैले यसलाई बलियो बनाउन सवैको साथ चाहिएको छ ।

त्यसैगरी, कार्यक्रममा बोल्दै आइडियाकी संस्थापक अध्यक्ष प्रा.डा. मथुरा कार्कीले १६ वर्ष अघिको अवस्था र अहिलेको अवस्थामा आएको परिवर्तन स्मरण गर्दै अहिले थुप्रै अवसर भएकाले इन्टेरियर डिजाइनको विषय छनौट गरी राम्रोसँग अध्ययन गर्न नयाँ पुस्तालाई आग्रह गरिन् । कार्यक्रममा बोल्दै आइडियाका महासचिव श्यामबहादुर श्रेष्ठले आफू र आफ्नो पेशाबारे परिचय दिँदै हिँड्नुपर्ने अवस्थाबाट व्यवसायिकतामा फड्को मारिएको बताउनुभयो । उहाँले त्यो अवस्थाबाट उठेरअहिले निकै ठूलो परिवर्तन भएको दाबी गर्दै राज्यका उच्च निकायले यो पेशालाई स्थान दिएर देश निर्माणमा इन्टेरियरलाई पनि सहभागि गराउनुपर्ने बताउनुभो ।

वार्षिकोत्सवको अवसरमा साउथ एशियन एएमएफका निर्देशक टेडी डिसुजाले इन्टेरियर डिजाइनिङमा सुरक्षा प्रविधिको प्रयोगबारे प्रस्तुती दिएका थिए ।

कार्यक्रममा स्कूल, अस्पताल, व्यवसायीक भवन, घर आदिको निर्माण गर्दा सुरक्षित इन्टेरियरबारे हरेक इन्टेरियर डिजाइनर सजग हुनुपर्ने धारणा राखेका थिए । सोही कार्यक्रममा संस्था, डिजाइनर, उद्यमी, व्यवसायी र उनीहरुको कार्यबारे सूचना सम्प्रेषण गर्नेगरीप्रकाशन प्रारम्भ भएको आइडियाको ‘न्यूज लेटर’ पनि सार्वजनिक गरिएको थियो ।