काठमाडौं, २३ साउन । जम्मू कश्मीरमा राजनीतिक तनाव भइरहेका बेला पाकिस्तानले भारतसंगको व्यापारीक सम्बन्ध तोडेको छ ।
जम्मू कश्मीरको विषयमा भारतीय सरकारले चालेको कदमको विरोध गरिरहेको पाकिस्तानले दुई देशबीचको कुटनीतिक सम्बन्ध कमजोर बनेको बताएको छ । जम्मू कश्मीरमा राजनीतिक तनाव भएलगत्तै पाकिस्तानले भारतीय उच्च आयुक्तलाई निकाला गर्ने निर्णय गरेको छ । विवादसंगै भारतका लागि नवनियुक्त पाकिस्तानी उच्च आयुक्तले पनि जिम्मेवारी नसम्हाल्ने बताइएको छ । यसअघि पाकिस्तानका प्रधानमन्त्री इमराना खानले जम्मू कश्मीरको विशेष अधिकार खोस्ने भारतको निर्णयविरुद्ध लड्ने प्रतिक्रिया दिएका थिए ।
प्रधानमन्त्री खानले यो विषय संयुक्त राष्ट्रसंघको सुरक्षा परिषदमा समेत प्रतिवाद गर्ने बताइसकेका छन् । पाकिस्तान र भारतबीचको कुटनीतिक सम्बन्ध यसअघि सन् १९६५ र १९७१ मा पनि तोडिएको थियो । यसैबिच, भारतसंगको व्यापारिक सम्बन्ध तोड्ने निर्णय गरेलगत्तै पाकिस्तानले आफ्नो हवाई क्षेत्रको एक करिडोर पनि बन्द गरेको छ । व्यापारिक सम्बन्ध तोड्ने निर्णय गरेलगत्तै आजदेखि एयरस्पेस बन्द गरेको हो । पाकिस्तानले हवाई क्षेत्रको एक करिडोर बन्द गरेका कारण भारतबाट जाने विदेशी उडानलाई अब १२ मिनेट अतिरिक्त समय लाग्ने भएको छ ।
प्रतिक्रिया दिनुहोस्