जनकपुर , १९ साउन ।  प्रदेश २ को अस्थाई राजधानी जनकपुर वरिपरिका किसानले गुणस्तरीय मल पाउन सकेका छैन, साल्ट ट्रेडिङ र कृषि सामाग्री कम्पनीको चरम लापरवाहीका कारण किसान मल पाउनबाट बन्चित भएका हुन् ।

धनुषा र महोत्तरीमा वर्षेनी ७१ हजार हेक्टर जग्गामा खेती ह“ुदै आएपनि गुणस्तरीय मल नपाएपछि यहा“का किसानहरु समस्यामा परेका हुन । खेतीका लागि डिएपी, युरिया, पोटास लगायत ६५ हजार मेट्रिकटनभन्दा बढी मलखाद्यको माग रहेपनि कृषि सामग्री कम्पनी लगायतका सरोकारवालाहरुले अहिलेसम्म सहज रुपमा २० प्रतिशत पनि उपलब्ध गराउन सकेको छैन । २१ सयमा पाईने मलअहिले गोदामवालाहरुले २९ सय सम्ममा ब्ल्याकमा बेच्ने गरेका छन् । वडा वडामा मल उपलब्ध गराउने भनिएको प्रक्रिया नै गलत रहेको गुनासो गर्छन् स्थानीय किसान । सिंचाईको अभाव झेलिरहेको समयमा मल अभावले झन पीडा थपेको छ किसानको । डिलरवालाहरुस“ग मलखाद्य उपलब्ध रहेपनि आफुहरुलाई नदिएर उल्टै ब्ल्याकमा बेच्ने गरेको किसानको दुखेसो छ ।

धनुषामा मलखाद्यको आपूर्ति कृषि सामग्री कम्पनी लिमिटेड र साल्ट ट्रेडिङ्ग कर्पोरेशन लिमिटेडले गराउ“दै आएको छ । तर, आपूर्तीको ७० प्रतिशत जिम्मा कृषि सामग्री कम्पनीको र ३० प्रतिशत साल्ट ट्रेडिङ्गको रहेपनि कसैस“ग मल भण्डार नभएको बताइएको छ । कृषि सामग्रीकम्पनीसग हजार बाह सय बोरा मात्रमल रहेकोले त्यो वितरण गर्न ठुलै संकट भएको बताइएको छ । अहिले कृषि सामग्री कम्पनीले ५ बोराका दरले डिलरहरुस“ग मात्रै मल बिक्रिगर्नसक्ने आधार रहेको समेत बताएको छ । ढुवानी र खरिद प्रक्रिया समेत अवरुद्ध रहेकोले यो समस्या समाधान भएपछि साउन २५ गतेदेखि मलखाद्य सहज रुपमा उपलब्धहुन सक्ने कृषि ज्ञान केन्द्र धनुषाका प्रमुख शंकरप्रसाद साहले बताए ।

यता सहकारीहरुले सहुलियत दरमा किसानहरुलाई उपलब्ध गराउन सामग्रीबाट लगेको मलमा समेत कालोबजारी हुने गरेको छ । मलको सिजनमा मलमा भएका बदमासीले किसान मर्कामा परेका छन् । यसर्थ सरकारले सहजरुपमा मल पाउने वातावरण बनाउन पहल गर्नुपर्छ ।