काठमाडौं, १७ साउन । प्रधानमन्त्री केपी शर्मा ओलीसहित पूर्वप्रधानमन्त्रीहरु, नेपालका आठ सय ८४ जना सांसदको श्राद्ध गर्ने हेटौंडा २ का राकेशकुमार शर्मालाई प्रहरीले पक्राउ गरी हिरासतमा राखेको छ।
राज्यको ढुकुटी दुरुपयोग गरेको भन्दै प्रधानमन्त्रीसहित सबै सांसदको श्राद्ध गरेपछि उनलाई ‘अभद्र ब्यवहार’ गरेको भन्दै प्रहरीले नियन्त्रणमा लिएको हो।
हेटौंडा उपमहानगरपालिकाका मेयर पदमा उम्मेदवारी दिएका उनले हेटौंडाको मुख्य चोक बुद्ध चोकमा श्राद्ध गरेका थिए। सरकार र सांसदहरुले देशको स्वाधिनताको कुनै वास्ता नगरेको, राज्यको ढुकुटी दोहन गरेको भन्दै प्रधानमन्त्रीसहित सबै सांसदको श्राद्ध गरेको उनले बताए।
प्रतिक्रिया दिनुहोस्