बुटवल, १० साउन । प्रदेश नं ५ को प्रदेश लोकसेवा आयोगको अध्यक्षमा प्राध्यापक डिलाराम भट्टराईलाई सिफारिस गरिएको छ । अर्घाखाँचीको सन्धिखर्क नगरपालिका–१० का स्थायी बासिन्दा भट्टराई महेन्द्र बहुमुखी क्याम्पस दाङका गणित विभागका प्रमुख हुनुहुन्छ ।
मुख्यमन्त्री शङ्कर पोखरेल संयोजकत्वको तीन सदस्यीय समितिले आज भट्टराईलाई अध्यक्षमा सिफारिस गर्ने निर्णय गरेको मुख्यमन्त्रीका प्रेस सल्लाहकार शेरबहादुर केसीले जानकारी दिनुभयो ।
प्रदेश लोकसेवा आयोग गठनका लागि मुख्यमन्त्री, सभामुख र प्रमुख प्रतिपक्ष दलको नेता रहेको सिफारिस समिति रहने प्रदेश लोकसेवा आयोग ऐनमा व्यवस्था छ । समितिको सिफारिसको आधारमा प्रदेश प्रमुखले नियुक्त गर्ने सो ऐनमा व्यवस्था छ ।
प्रतिक्रिया दिनुहोस्