काठमाडौं, २९ असार । अविरल वर्षासँगैको बाढी पहिरोमा परी मृत्यु हुनेको संख्या ५० पुगेको छ ।
बाढी पहिरोमा परी २८ पुरुष र २२ जना महिलाको मृत्यु भइसकेको प्रहरी प्रधान कार्यलयले जनाएको छ । बाढी पहिरोमा परी २५ जना घाइते भएका छन् । ३५ जना बेपत्ता छन् । प्रहरीले अहिलेसम्म ११ सय ४ जनाको उद्धार गरेको छ । बाढी पहिरोमा परेकाको उद्धार र व्यवस्थापनका लागि २७ हजार नेपाल प्रहरी खटाइएको प्रहरी प्रधान कार्यालयले जनाएको छ ।
सबैभन्दा धेरै उपत्यकामा आठ हजार ८५६ जना प्रहरी परिचालन गरिएको छ । सबैभन्दा बढि महोत्तरीमा ५ सयको र रौतहटमा २ सयको उद्दार गरिएको छ । त्यसैगरि काठमाडौंमा १ सय ८५ को उद्दार गरिएको प्रहरीले जनाएको छ ।
प्रतिक्रिया दिनुहोस्