धनुषा, २८ असार । केही दिनदेखि लगायतार बर्षाका कारण आएको बाढिले धनुषामा निर्माणाधिन पुल भत्किएको छ ।धनुषाको क्षिरेश्वरनाथ नगरपालिका स्थित महेन्द्रनगर र शान्तिपुर जोड्ने औरही खोलाको निर्माणाधिन पुल भत्किएको छ । रोशन कन्ट्रक्सनले विगत ६ वर्षदेखि निर्माण गर्दै आएको पुल निर्माणाधिन अवस्थामै भत्कििएको हो ।

अविरल वर्षासंगै आएको बाढीले निर्माणाधिन पुल शुक्रबार राति भत्केको स्थानीय बताएका छन् । गुणस्तरहीन सामग्रीको प्रयोग गरेकाले पुल भत्केको स्थायनीहरुको भनाई छ । पूलको झण्डै ६ वर्ष अघि बर्तमान भौतिक पूर्वाधार तथा यातायात मन्त्री रघुबीर महासेठले शिलान्यास गरेका थिए । पुल भत्किएपछि त्यस क्षेत्रको बाटो अवरुद्धसमेत भएको हो ।

यता, बुधबार रातिदेखि परेको अविरल वर्षाले जनकपुर जलमग्न भएको छ । वर्षाको पानी निकास हुन नसक्दा सडक र घरघरमा तीन फीटसम्म पानी जमेको छ । जनकपुरका प्राउजसो सरकारी सरकारी कार्यालय डुबानमा परेको छ ।
मुख्यमन्त्री कार्यालय, विमानस्थल, अञ्चल अस्पताल, जिल्ला प्रशासन कार्यालय, जिल्ला प्रहरी कार्यालय, वन कार्यालय, आन्तरिक राजश्व कार्यालय, राष्ट्रिय समाचार समिति, हुलाक कार्यालय, वन निर्देशनालय, जिल्ला विकास समन्वय कार्यालय, जिल्ला ट्राफिक कार्यालय, राष्ट्रिय समाचार समितिलगायतका कार्यालय डुबानमा परेको छ ।

जनकपुर डुबानमा परेपछि मानिसलाई घरभित्रै बस्न र बाहिर निस्किन समेत समस्या भएको छ । नगरमा पानी जलमगन भएपछि पठनपाठनसमेत ठप्प भएको छ । वर्षा र डुबानको कारण सर्वसाधारण कष्टकर जीवन जिउन बाध्य भएका छन् ।