‘विषादी प्रकरण’लाई लिएर सरकारको आलोचना नगर्न आपूर्तिमन्त्री यादवको काँग्रेसलाई चेतावनी



 

 

काठमाडौँ, २७ असार । उद्योग, वाणिज्य तथा आपूर्तिमन्त्री मात्रृकाप्रसाद यादवले ‘विषादी प्रकरण’लाई लिएर सरकारको आलोचना नगर्न प्रमुख प्रतिपक्ष दल नेपाली काँग्रेसलाई चेतावनी दिनुभएको छ ।

नेपाल चेम्बर अफ कमर्शको कार्यक्रमलार्ई सम्बोधन गर्दै मन्त्री यादवले भारतबाट आयातित तरकारी तथा फलफूलको विषादी परिक्षण गर्ने आँट गरेको सरकारलाई काँग्रेसले त्यत्तिकै आलोचना गरेको भन्दै आपत्ति जनाउनुभएको हो । काँग्रेसले आफूले कत्ति न जनतालाई अर्गानिक खुवाएको जस्तो पारामा सरकारलाई आलोचना गरेको मन्त्री यादवको भनाई छ । यादवले यथार्थमा आधारित भएर सरकारको आलोचना गर्न पनि प्रमुख प्रतिपक्ष दल काँग्रेसलाई सचेत गराउनुभयो । विषादी प्रकरणमा काँग्रेसले आफ्नो इज्जत पनि नरहने गरी सरकारको आलोचना गरेको मन्त्री यादवको दावी छ ।

मन्त्री यादवले व्यापारीहरुलाई बस्तुको मूल्य जथाभावी नबढाउन आग्रह गर्नुभयो । उहाँले उत्पादन वृद्धिमा जोड दिएर व्यापार गर्न निजी क्षेत्रका व्यवसायीहरुको ध्यानाकर्षण गराउनु भयो । सरकार निजी क्षेत्रसँग मिलेर अघि बढन तयार रहेको पनि मन्त्री यादवले स्पष्ट पार्नुभयो । मन्त्री यादवले मुलुकमा उत्पादन वृद्धिका लागि पूँजीको अभाव नभएको दावी पनि गर्नुभयो ।

    Comment Here!


सम्बन्धित समाचार

View All