चोरीको १९ वटा मोटरसाइकलसहित १३ जना पक्राउ ( भिडियोसहित )



झापा, २३ असार । पछिल्लो समयमा जिल्लाको विभिन्न स्थानबाट मोटरसाइकल चोरी हुने घटना ह्वात्तै बढेको छ । विशेष गरी जिल्लाको पूर्व पश्चिम राजमार्ग अन्तरगत बिर्तामोड,मेचीनगर, शिवसताक्षी र दमक बजार क्षेत्रबाट बढी मोटरसाइकल चोरी घटना बढेका हुन् ।

झापामा चोरी घटना बढेको बारेमा उजुरी पर्न थालेपछि झापा प्रहरीले गिरोह पक्राउ गर्न विशेष अभियान सुरु गरेको छ ।प्रहरी विशेष अभियानको क्रममा प्रहरी कार्यालय झापाले यही महिनाभित्रै चोरीको १९ वटा मोटरसाइकलसहित १३ जनालाई पक्राउ गरेको छ । पक्राउ परेका १३ जनालाई इलाका प्रहरीकार्यालय बिर्तामोडमा शुक्रवार पत्रकार सम्मेलन मार्फत सार्वजनिक गरेको हो ।

पक्राउ पर्नेहरूमा गौरादह नगरपालिका २ बस्ने १९ उवर्षीय विजय चौधरी, सोही नगरपालिका ८ बस्ने २२ वर्षीय रोबिन राजवंशी, बाह्दशी गाउँपालिका ७ बस्ने१९ वर्षीय विनोद मुर्मु, सोहीगाउँपालिका ६ बस्ने १९ वर्षीय करण चौधरी, कमल गाउँपालिका ४ बस्ने केशव श्रेष्ठ, शिवसताक्षी नगरपालिका १ बस्ने किरण भण्डारीइलाम चुलाचुली गाउँपालिका २ बस्ने सन्त श्रेष्ठ, शिवसताक्षी ५ बस्ने रमेश ताजपुरीया, सोही ठाउँका प्रेमबहादुर रिमाल, गौरादह नगरपालिका बस्ने सन्त लिम्बु, सोही ठाउ“का प्रकाशन्यौपाने, दमक नगरपालिका ४ बस्ने बसन राई र कमल गाउँपालिका १ बस्ने रामु दमाई रहेको प्रहरी कार्यालय झापाका प्रहरी उपरीक्षक (एसपी) दिनेशकुमार मैनालीले बताए ।

उनीहरूलाई प्रहरीले झापाको विभिन्न स्थानबाट विभिन्न मितिमा चोरीको १९ वटा मोटरसाइकलसहित पक्राउ गरेको हो ।बरामद गरिएको अधिकांश मोटरसाइकल बजाज कम्पनीको २२० सिसीको पल्सर रहेको जनाइएको छ ।

उनीहरूले चोरी गरिएको मोटरसाइकल पार्किङ स्थलबाट चोर्ने र नम्बर प्लेटपरिर्वतन गरी बिक्री गर्ने गरेको प्रहरी अनुसन्धानबाट खुलेको प्रहरी कार्यालय झापाका प्रहरी नायव उपरीक्षक (डिएसपी) महेन्द्रकुमार श्रेष्ठले बताए । बरामद गरिएको १९ वटामोटरसाइकल मध्ये सात वटाको वास्तविक नम्बर खुलेको छ ।पछिल्लो चोरीका घटनाबढेपछि प्रहरी सक्रिय त भएको छ । तर आफ्ना सवारी साधनको सुरक्षा आफैले गर्नेमा सवारी धनी पनि सचेत हुन आवस्यक छ ।

    Comment Here!


सम्बन्धित समाचार

View All