काठमाडौं, १७ असार । गण्डकी प्रदेशका प्रमुख बाबुराम कुँवरले वेदले जीवनलाई आनन्दित बनाउने बताउनुभएको छ । सनातन संस्कृति समाज नेपाल तनहुँले आज दमौलीमा आयोजना गरेको वेदमा के छैन रु पुस्तकको विवेचना एवं वेदको महत्व विषयक गोष्ठीको उद्घाटनमा प्रदेश प्रमुख कुँवरले जीवनलाई आनन्दित बनाउने सर्वोत्तम ज्ञान वेद रहेको चर्चा गर्नुभयो ।

हिन्दू धर्म मान्नेहरुले शास्त्र र वेदको अध्ययन गर्नुपर्नेमा जोड दिँदै प्रदेश प्रमुख कुँवरले धर्मसँग डराउने मान्छेले पाप नगर्ने बताउनुभयो । कुँवरले भन्नुभयो, “सबै ज्ञान सिकाउने धर्मले हो, धर्मसँग ठूलो शक्ति छ ।” धर्मले कुनै जातिमाथि भेद्भाव नगरेको उल्लेख गर्नुहुँदै प्रदेश प्रमुख कुँवरले संविधानले नै जातीय विभेद र उत्पीडिन अन्त्य गरिसकेको बताउनुभयो ।

कार्यक्रममा विश्व हिन्दू महासङ्घका अध्यक्ष डा रामचन्द्र अधिकारीले नेपालमा धर्म परिवर्तन खतराजनक रुपमा देखा परेको भन्दै धर्म परिवर्तन विरुद्ध जागरण अभियान चलाउन आवश्यक रहेकोमा जोड दिनुभयो । सनातन संस्कृति समाजका महासचिव पुष्प पराजुली, विश्व हिन्दू महासङ्घका उपाध्यक्ष शङ्कर खराल लगायतले सनातन धर्ममाथि आक्रमण बढेकोले सनातन धर्म जोगाउन सबै एकजुट हुनुपर्ने बताउनुभयो ।

सोही अवसरमा पोखरा निवासी भोला थापाद्वारा लिखित वेदमा के छैन रु पुस्तकको यमबहादुर आलेले विवेचना गर्नुभएको थियो । १७८ ग्रन्थ अध्ययन गरेर लेखिएको पुस्तक ३२८ पृष्ठको छ ।