काठमाडौं, १२ असार ।  नेपाल पत्रकार महासँघ कास्कीद्वारा प्रदान गरिने जगन्नाथ सिग्देल युवा प्रोत्साहन पत्रकारिता पुरस्कार २०७५ बाट एबीसीकर्मी गिता रानामगर सम्मानित भएका छन् । बिगत दश बर्षदेखी पत्रकारितामा क्रियाशिल रहेको भन्दै युवा प्रोत्साहन पुरस्कारबाट रानामगर पोखरामा आज (बिहिबार) आयोजित एक कार्यक्रमका बिच सम्मानित भएका हुन् ।

रानामगरलाई गण्डकी प्रदेश प्रमुख बाबुराम कुँवर, गण्डकी प्रदेश सांसद कृष्ण थापा, पत्रकार महासँघ कास्कीका अध्यक्ष दिपेन्द्र श्रेष्ठ तथा अक्षयकोषदाता लगायतले खादा, दोसल्ला, सम्मानपत्र तथा नगद रु ११ हजार १ सय ११ रुपैयाँ सहित सम्मान गरे ।पुरस्कृत भएका पत्रकार गिता रानामगर एबीसी टेलिभिजन गण्डकी प्रदेश ब्युरो सम्बाददाताको रुपमा कार्यरत रहेका छन् । उनी महासंघ कास्कीका कार्यसमिति सदस्य समेत हुन् ।

यसअघि महासंघ केन्द्रीय सदस्य रामकृष्ण ज्ञवालीको संयोजकत्वमा गठिन प्रतिभा छनोट समितिले पत्रकार रानामगरको नाम सिफारिस गरेको थियो । सोही कार्यक्रमकै बिच पत्रकार महासंघ कास्कीद्वारा स्थापित पोखरा पत्रकारिता सम्मान पत्रकार श्यामनाथ कुँवरले प्राप्त गरे भने गजेन्द्र भण्डारी सिर्जनशील राष्ट्रिय पत्रकारिता पुरस्कार त्रिभुवन पौडेल पुरस्कृत भएका थिए ।