बेलहियामा रोकिएको तरकारी फलफुलको गाडी नेपाल भित्रीयो

अघिल्लो दिन प्रबिधी नरहेको बताएको सरकारी कार्यालयले नै दियो बिषादी नरहेको प्रमाणपत्र



बुटवल ९ असार । सरकारले विषादी परीक्षण गरेर मात्र आयात गर्न पाइने कानून बनाएपछि रुपन्देहीको भैरहवा भन्सारमा रोकिएको तरकारी र फलफूल आज अपरान्ह नेपाल भित्रीएको छ ।
तीन दिन देखि बेलहिया नाकामा रोकिएको सयौं मालबाहक गाडी मध्य १ सय १४ गाडी आज अपरान्ह नेपाल भित्रीएको हो । प्रयोग गर्न योग्य रहेको प्रमाणपत्र लिएर आए पछि रोकिएको गाडी छाडीएको भैरहवा भन्सार कार्यालयले जनाएको छ । रोकिएको गाडी मध्य बाट आलु र प्याजको ६८ तथा फलफुल र तरकारीको ४६ ट्रक नेपाल भित्रीएको भन्सार प्रमुख कमल भट्टराईले जानकारी दिनुभयो ।
भन्सारका अनुसार आलु र प्याज बोकेका ट्रकहरु तीन दिनदेखि नाकामै रोकिएका थिए भने छिटो बिग्रन सक्ने तरकारीका कतिपय ट्रकहरु भारततिरै फिर्ता भएका थिए । सरकारले बनाएको नयाँ व्यवस्था अनुसार तरकारी तथा फलफूल आयातकर्ताले विषादीरहित छ भन्ने व्यहोराको प्रमाण भन्सारमा प्रस्तुत गरेपछि मात्रै भन्सारले सम्बन्धित ठाउँमा लैजाने अनुमति दिनु पर्दछ ।

सरकारले जीवनाशक विषादीको अवशेष परीक्षण गरेर मात्र आयात गर्न पाइने कानून बनाई असार ३ गते राजपत्रमा प्रकाशित गरेपछि यसअघि विना परीक्षण आउने गरेको तरकारी र फलफूलको आयात अवरुद्ध भएको हो ।
भैरहवाको बेलहिया नाकाबाट दैनिक सरदर ५० ट्रक तरकारी र फलफूल आयात हुने गरेको छ ।
विषादी परीक्षण गर्ने प्रयोगशाला बेलहिया नाकामा छैन । खाद्य तथा गुण नियन्त्रण कार्यालयबाट तरकारीको र प्लान क्वाराईनटायनबाट फलफुलको सुद्धताको प्रमाण आएपछि प्रवेश अनुमती दिएको भन्सार प्रमुख भट्टराईले बताउनु भयो ।
आईतबार सम्म परिक्षणको प्रबिधी नभएको भन्दै दुबै कार्यालयहरुले नमुना लिन अस्विकार गरेको थियो ।

    Comment Here!


सम्बन्धित समाचार

View All