सिरहा, जेठ २९ गते । नेपाल सरकारले प्रदेश नम्बर २ लगायतका प्रदेशहरुमा सरकारसँग चिनियाँ गाई भित्रयाउने सम्झौता पत्रमा हस्ताक्षर गरे सँगै स्थानीय किसानहरु आक्रोशित बनेका छन् ।
प्रदेशमा उत्पादन भइरहेको ४ लाख लिटर दुधलाई व्यवस्थापन नै नगरी चिनियाँ गाई भित्रयाउने सम्झौता भएसँगै सिरहा र सप्तरीका किसानहरु आक्रोशित भएका हुन् । सिरहाका किसान अनिल यादवले भने– प्रदेशमा उत्पादन भइरहेको ४ लाख लिटर दुधको व्यवस्थापनै नभएको अवस्थामा चाइनाबाट गाई भित्रयाउनु निन्दनीय रहेको छ । यस्तै सप्तरीका स्थानीय अर्जुन यादवले सरकारले सम्झौता पत्रमा हस्ताक्षर गरेपनि चाइनाबाट ल्याउने गाईका लागि यहाँको वातावरण उचित छ या छैन भन्ने विषयमा अध्ययनै नगरी गाई ल्याउनु गलत रहेको बताए ।
यस्तै गाउँघरमा खोलिएका साना तिना गाई फर्ममा दुध उत्पादन हुँदा पनि बजार नपाएकोले स्थानीय किसानहरु घाटा व्यहोर्दै आएको किसान रामचन्द्र यादवले बताए । सिरहाका स्थानीय किसानहरु सरकारले चिनबाट गाई ल्याउन लागेको सुनेपछि एक कार्यक्रमको आयोजना गरेर नै बिरोध गरेका थिए ।
प्रतिक्रिया दिनुहोस्