कारागारको सुरक्षामा खटिएका प्रहरीको पेस्तोल हरायो



झापा, २ जेठ । झापा जिल्लाको कारागारको सुरक्षाका लागि खटिएका एक प्रहरीको इटालियन पेस्तोल सहित १४ राउण्ड गोली भरिएको म्यागजिन हराएको छ । जिल्ला प्रहरी कार्यालय झापाका प्रहरी उपरीक्षक दिनेशराज मैनालीले हतियार हराएको विषयमा अनुसन्धान भइरहेको जानकारी दिनुभएको छ ।

सुरक्षामा खटिएका एक प्रहरीले प्रहरी जवान कुमार भोटेलाई हतियार बुझाए पनि प्रहरी भित्रैबाट पेस्तोल हराएको घटना सार्वजनिक भएको हो । प्रहरी जवान कुमार भोटेलाई सुरक्षामा खटिने एक जवानले पेस्तोल जिम्मा दिएको प्रहरीको रेकर्डमा उल्लेख छ । तर पेस्तोल र १४ राउण्ड गोली भने बुझाएको समयदेखि प्रहरी भित्रैबाट गायव भएको छ । बुझाउने प्रहरीको नाम भने प्रहरीले सार्वजनिक गरेको छैन । प्रहरी नायव निरीक्षक नरेश आचार्य एक साताअघि घर बिदामा गएका बेला कारागारको सुरक्षाको जिम्मा प्रहरी सहायक निरीक्षक हिरण सिंहलाई दिइएको थियो । सोही समयदेखि पेस्तोल र गोली हराएको प्रहरीले बताए पनि कुन दिनदेखि हरायो प्रहरी स्वयं अनविज्ञ छ ।

कारागारको सुरक्षार्थ खटिएका सुरक्षाकर्मीबाटै हतियार हराएपछि प्रहरी कार्यालय झापाका प्रहरी नायव उपरीक्षक महेन्द्रकुमार श्रेष्ठको संयोजकत्वमा छानविन समिति गठन गरिएको छ ।

    Comment Here!


सम्बन्धित समाचार

View All