लहान ,१९ वैशाख ।  पुकार तथा गुटका स्वाथ्यका लागि हानीकारक छन् । यसमा पनि नक्कली र कमसल गुटखाले मानव शरीरमा नकरात्मक असर दिन प्रतिदिन बढ्दै गएको छ । यस्ता गुट्खाहरुको सेवनले ज्यान गुमाउनेहरुको संख्या दिनदिनै बढ्दो छ ।

यस्ता कमसल तथा राजस्व छलीको गुटखा महेन्द्र चौक , पिरारी चौक, कल्याणपुर , राजबिराज , कठैना , बजारमा व्यापक फेला परेको छ । उता, आन्तरिक राजस्व कार्यालय लहान कानमा तेल हालेर मस्त निन्द्रामा सुतेका छन् । गाइघाट , महेन्द्रनगर , जनकपुर , कठैना,कल्याणपुर , गोलबजार , मिर्चैया , ठाडि बजारहरुमा गुटकामा व्यापक राजस्व छली हुँदा आन्तरिक राजस्व कार्यालय बेखबर छन् । बजारमा यत्तिबेला दुई किसिमको पुकार गुटका देखापरेको छ ।

एउटा प्याकेटमा आन्तरिक राजस्व कार्यालयको स्टीकर लगाइएको छ । अर्को पुकार गुटखामा विना स्टीकरको सप्तरी , धनुषा , सिरहा आदि सबै जिल्ला  व्यापक विक्री भइरहेको छ । यसवारे आन्तरिक राजस्व कार्यालयसँग सम्पर्क गर्दा — सबै ठाउँमा हामी पुग्न नसकिएको कारण केही व्यापारीले यस्ता धन्दा चलाइरहेको छ । यसको खोजतलास गर्न हामी सक्रियता देखाउँने दावी गरेका छन् । भारतबाट यस्ता गुटखा भन्सार छली गरेर नेपाल भित्रियाउँने गरेको छ । नेपालमा पनि यस्ता गुटका चोरीलुकी व्यापक बनाउँने गरेको छ ।

गुटखा कारोबारीहरुले २० देखि २५ प्रतिशत गुटकामा राजस्वको स्टीकर लगाउँने गरेको छ भने अधिकतम गुटखामा स्टीकर नलगाउँने गरेको लहान उद्योग वाणिज्य सँघमा आज व्यापारीहरु छलफलमा यस्तो कारोबारको खुलासा भएको छ । राजस्व छली हुन नदिन तथा नक्कली कमसल गुटखा विक्री वितरण नगर्न लहान उद्योग वाणिज्य सँघका अध्यक्ष अशोकलाल अमात्य केही व्यापारीलाई सचेत गराएका छन् ।

राजस्व छली, अखाद्य, म्याद नाघेको, नक्कली मालसमान खरिद विक्री नगर्न  यसको लागि लहान नगरपालिकाले सचेतनामुलक कार्यक्रम ल्याउँन व्यापारी रमेश मुरारकाले बताए । बजारमा ९० प्रतिशत पेय पदार्थ म्याद नाघेको बिक्री वितरण भइरहेको व्यापारीहरुको छलफलमा सो खुलासा भएको छ ।  नेपालमा पेय पदार्थको अवधी तीन महिना मात्रै तोकिएकोले व्यापारी र उपभोक्ताले त्यसप्रति खासै ध्यान नदिइ खाने गरेको छ ।