काठमाडौं, २९ फागुन। नेकपा एमाले अध्यक्ष केपी शर्मा ओलीका पिता मोहनप्रसाद ओलीको पशुपति आर्यघाटमा अन्तिम बिदाइ गरिएको छ।
उनको पार्थिव शरीरमा पूर्वप्रधानमन्त्री ओलीले दागबत्ती दिएका छन्। शुक्रबार बिहान निधन भएका मोहनप्रसादको शव पशुपतिनाथ आर्यघाटमा हिन्दु परम्परा अनुसार अन्त्येष्टि गरिएको हो। मध्यपुरथिमिस्थित नेपाल कोरिया मैत्री नगर अस्पतालमा शुक्रबार ओलीका पिता मोहनप्रसादको ९७ वर्षको उमेरमा निधन भएको थियो । पितालाई श्रद्धाञ्जली अर्पण गर्न अध्यक्ष ओली पत्नी राधिका शाक्यसहित अस्पताल पुगेका थिए।
मोहनप्रसादलाई बिहान करिब ४ बजेतिर उपचारका लागि अस्पताल ल्याइएको थियो । विगत छ महिनादेखि उनको यही अस्पतालमा स्वास्थ्य परीक्षण तथा उपचार भइरहेको थियो ।
प्रतिक्रिया दिनुहोस्