जापानमा २५६३औं बुद्ध जयन्तिको पूर्वसंध्यामा शान्ति र्‍याली



टोकियो, १० बैशाख । गैरआवासीय नेपाली संघ जापानले २५६३औं बुद्ध जयन्तिको पूर्वसंध्यामा आईतवार टोकियोमा शान्ति र्‍याली सम्पन्न गरेको छ ।

केही जापानी नागरिकमा अझैपनि बुद्ध जन्मस्थलबारे भ्रम रहेकाले त्यसलाई चिर्न र नेपालको पर्यटनमा सहयोग र नेपालको परिचय गराउन शान्ति र्यालीले महत्वपूर्ण भूमिका खेल्ने आयोजक को विश्वास छ ।

पटकको र्यालीलाई गैरआवासीय नेपाली संघ जापानका उपाध्यक्ष शिव प्रसाद पौडेल, उपाध्यक्ष सरोज कुमार खत्री र युवा संयोजक लेलिन भट्टचनले संयोजन गरेका थिए । बुद्ध नेपालमा जन्मेका हुन् भन्ने मुख्य सन्देश फैलाउने उदेश्य सहित आईतबार टोकियोको हिबिया पार्कबाट गिन्जा सम्म पदयात्रा गरिएको थियो ।

बुद्ध नेपालमा जन्मेको चिनाउने मात्र नभई नेपालको कला र संस्कृतिबारे समेत चिनाउने यो महत्वपूर्ण अवसरमा जापानवासी सबै नेपाली तथा नेपाली संघ संस्थाहरुलाई सहभागी भएको अध्यक्ष टासि वाङदी लामाले बताउनु भयो ।

सहभागीहरुले स्वस्फुर्त रुपमा नेपालबारे सकारात्मक सन्देश दिने प्लेकार्ड, व्यानर वा नेपाल जापान सम्वन्ध झल्काउने तथा भगवान गौतमबुद्ध नेपालमा जन्मिएका हुन् भन्ने खालका प्लेकार्ड पनि संगै प्रदर्शन गरेका थिए ।

    Comment Here!


सम्बन्धित समाचार

View All