आठौं राष्ट्रिय खेलकुद प्रतियोगिताको राष्ट्रपतिबाट उदघाटन[फोटो फिचर]

खेलाडीहरुले अब खेलका साथै आफ्नो शिक्षालाई पनी ध्यान दिनुपर्छ : राष्ट्रपति भण्डारी



नेपालगन्ज, ५ बैशाख । गत चैत्र २७ गतेबाट प्रदेश ५ का विभिन्न जिल्लामा सुरु भएको आठौं राष्ट्रिय खेलकुद प्रतियोगिताको बिहीबार औपचारिक उद्घाटन गरिएको छ । बाँकेको नेपालगन्ज रगंशालामा भव्य समारोहका बिच राष्ट्रपती विद्यादेवी भण्डारीले आठौं राष्ट्रिय खेलकुद प्रतियोगिताको उद्घाटन गरेकी हुन् ।

उदघाटन समारोहलाई सम्बोधन गर्दै उनले देशको शिर उच्च राख्ने प्रयास खेलाडिहरुले गरिरहेको भन्दै खेलाडिहरुको प्रशंसा गरिन् । ‘राष्ट्रिय झण्डा फहराएर देशको शिर उच्च खेलाडिहरुले राख्ने प्रयास गरिरहेका छन्’ उनले भनिन्, ‘खेलाडीहरुले अब खेलका साथै आफ्नो शिक्षालाई पनी ध्यान दिनुपर्छ ।’ राष्ट्रपति भण्डारीले मुलुकको विकास र समृद्धिका लागि खेल क्षेत्रको विकास अपरिहार्य समेत रहेको बताइन् । ‘सरकारले लिएको लक्ष्य समृद्ध नेपाल र सुखी नेपाली अभियानलाई खेलकुदको माध्यामबाट सहयोग पुग्न सक्छ’ उनले भनिन्, ‘देशको विकास र समृद्धिका लागि खेल क्षेत्रको विकास आवश्यक हुन्छ ।’ तयारी र लगानी अनुसार बाँकेको नेपालगन्जले दोस्रो पटक अवसर पाएको भन्दै राष्ट्रपती भण्डारीले खेलकुद क्षेत्रको विकासमा सबैजना लाग्नुपर्नेमा जोड दिइन् ।

उदघाटन समारोहमा बोल्दै प्रदेश नम्बर पाँचका मुख्यमन्त्री शंकर पोखरेलले आठौं राष्ट्रिय खेलकुद कोसेढुङगा सावित हुने बताए ।

उदघाटन समारोहमा भेषभुषा, धर्म सम्प्रदाय, सांस्कृतिक कला झल्किने झाँकी प्रदर्शनी गरिएको थियो भने खेलाडिहरुले मार्चपास समेत गरेका थिए । आठौं राष्ट्रिय खेलकुद प्रतियोगितामा ३५ खेलमा ५२११ खेलाडीले प्रतिस्पर्धा गरेका छन् । ३७२ स्वर्ण पदकका लागि खेलाडीले प्रतिस्पर्धा गरेका छन् । आठौं राष्ट्रिय खेलकुद प्रतियोगिताको दिप प्रज्वलन ओलम्पियन खेलाडी सुरेन्द्र हमालले गरेका थिए ।

    Comment Here!


सम्बन्धित समाचार

View All