काठमाडौं, ४ वैशाख । दिल्ली पब्लिक स्कुलको ना १ क ७७६७ नम्बरको बसको ठक्करबाट वीरगञ्जमा एक शिक्षिकाको मृत्यु भएको छ ।
मृत्यु हुनेमा वीरगञ्ज महानगरपालिका वडा नं १९ नगवा मिथिला नगरकी अन्दाजी गुञ्जन चौरसिया रहेको प्रहरीले जनाएको छ ।
अलौं माविमा पढाउने शिक्षिका चौरसिया चढेको ना २३ प ७९७७ नम्बरको मोटरसाइकल अनियन्त्रित भइ पल्टेपछि स्कुल बसले चौरसियालाई किचेको थियो ।
बसको पछाडिको भागले किचेर गम्भीर घाइते उनको नारायणी अस्पतालमा उपचारको क्रममा निधन भएको जिल्ला प्रहरी कार्यालय पर्साले जनाएको छ ।
मोटरसाइकल चालक गुञ्जनको छोरा साहिल चौरसिया भने सकुशल छन् ।
प्रतिक्रिया दिनुहोस्