‘टिक टक’माथि प्रतिबन्ध लगाउन आदेश




काठमाडौं,२१ चैत । सामाजिक सञ्जाल ‘टिकटक’ बालबालिकादेखि जेष्ठ नागरिकसम्म लोकप्रिय हुँदै गएको छ । पाँचदेखि १५ सेकेन्डसम्मको भिडियो बनाउन मिल्ने यसमा गीत र संवादमा अभिनय गर्न सकिन्छ ।
खाना खाँदादेखि कार्यालयमा काम गर्दासमेतका टिकटक बनाएको पाइन्छ । सन् २०१६ देखि चीनबाट सुरु भएको टिकटकले मनोरञ्जन तथा अभिनयको लागि मात्र नभएर यसको बेफाइदा पनि
छ । गोपनीयताको कुरा गर्ने हो भने टिककट निकै असुरक्षित र खतरनाक भएको तथा जो कसैलाई फलो गर्न सक्ने ‘मेसेज’ गर्न सक्ने छ ।
टिकटक अकाउन्ट विभिन्न खाले अश्लील सामग्रीले भरिएको छ । यसमा कुनै ‘फिल्टर’ गरिएको हँुदैन, त्यसैले कुनै पनि सामग्रीको बारेमा उजुरी गर्ने माध्यम नभएको हुँदा यो सुरक्षा र गोपनीयताको दृष्टिकोणले निकै असुरक्षित छ ।
गुगलले यो एप तीन वर्ष उमेरभन्दा माथिले मात्र चलाउन पाउने प्रष्ट गरेको छ, तर यो नियमको पालना भएको पाइँदैन । अभिभावकले नै बच्चाहरुको भिडियो बनाएर टिकटकमा राखिदिने गरेका छन् । बीबीसीका अनुसर सन् २०१८ को जुलाईमा इण्डोनेसियामा टिकटकमाथि प्रतिबन्ध लगाइएको थियो । किशोर किशोरीले अश्लील सामग्री अपलोड तथा शेयर गर्नका लागि टिकटकको अत्यधिक प्रयोग गर्न थालेपछि सरकारले यस्तो कदम चालेको थियो । पछि केही परिवर्तन तथा सर्तका आधारमा टिकटकमाथिको प्रतिबन्ध हटाइएको थियो । तर पछिल्लो समयमा मद्रास हाई कोर्टले केन्द्र सरकारलाई मोबाइल एप टिकटकमाथि प्रतिबन्ध लगाउन अन्तरिम आदेश दिएको छ ।

इन्डोनेशिया र बंगलादेशको सरकारले यो एपमाथि प्रतिबन्ध लगाइसकेको छ जबकी अमेरिकाले बच्चालाई अनलाइन सामग्रीबाट बचाउनका लागि नयाँ नियम बनाइरहेको छ ।

अदालतले भारतमा पनि यस्तो कदम उठाउनुपर्ने माग गरेको छ । टिकटक जस्तो मोबाइल एप्लिकेशनमा पोर्न सामग्री पनि उपलब्ध हुने भएकाले यो बच्चाले पनि हेरिरहेको अदालतले बताएको छ ।

    Comment Here!


सम्बन्धित समाचार

View All