काठमाडौं,१८ फागुन । अर्थमन्त्री डा. युवराज खतिवडाले संघीयता कार्यान्वयनको लागि संघीय वित्तियता समृद्धिको पहिलो आधार भएको बताउनुभएको छ ।

एबीसी न्यूजको कार्यक्रम आउटलुकमा अन्तवार्ता दिदैं अर्थमन्त्री खतिवडाले संघीयता कार्यान्वयनमा राजनीतिक मात्र नभई संविधान कार्यान्वयनको उपलब्धी रुपमा लिनुपर्ने बताउनुभयो । समृद्धिको सुरुवात स्थानीय तहबाट भएको भन्दै संधिवान अनुरुपनै मौलिक हकहरुको कार्यान्वयन भएको उहाँको भनाई छ ।

उहाँले जनताको सहभागीतामा विकासका परिणाम ६ महिनामा नआएपनि आधार तयार भएको स्पष्ट पार्नुभयो । संघ, पदेश र स्थानीय तहमा सेवा प्रवाहको गतिमा भने मुलुक संघीयताको अभ्यासमै भएकाले केही दुविधा देखा परेको उहाँले बताउनुभयो ।

मुलुकको संविधानकै आधारमा स्थापित संघियताको कार्यान्वयन पक्ष्ँबाट विश्व समुदाय चकित परेको भन्दै उहाँले विवादरहित रुपमा काम भएको बताउनुभयो । अर्थमन्त्री खतिवडाले यो सरकारले लक्षय र योजना १ वर्षको मात्र नभई ५ वर्षसम्म र त्यो भन्दा पछि पनि रहेको भन्दै सबै नतिजा एकैपटक आउन नसक्ने बताउनुभयो ।

उहाँले सरकारले भनेको र निर्वाचनको समयमा पार्टीले जारी गरेको घोषणा पत्रकै आधारमा २०९९ सम्मको लक्ष्यका साथ अघि बढेको बताउनुभयो । उहाँले एक वर्षमा सरकारले प्रक्रिया र विधिको जंग बसालेको भन्दै घोषणा पत्र बमोजिम ५ वर्षमा गर्न सकिनेकाम जति सम्पन्न गर्ने प्रतिवद्धता व्यक्त समेत गर्नुभयो ।