काठमाडौं,३ माघ । पूर्वमन्त्री तथा सांसद् ह्देयश त्रिपाठीले सरकारले उखु किसानका समस्या समाधान गर्न उदासिन भएको आरोप लगाउनुभएको छ ।

एबीसी न्यूजस“गको विशेष कुराकानीमा सांसद् त्रिपाठीले अहिलेको सरकारस“ग स्पष्ट बहुमत भएपनि उखु किसानलाई बेवास्ता गरेको बताउनुभएको हो । त्रिपाठीले विगतमा उखुको समर्थन मुल्य ढिला तोकिने गरेको भएपनि अहिले भने चिनी मिल नै सञ्चालन नभएको बताउनुभयो । सरकारले उखु किसानलाई सम्बोधन गर्न मिल सञ्चालन गर्न पहल नगरेको उहा“को गुनासो छ ।

सरकारले उखु किसानलाई राहात दिने काम गरेपनि बास्तविक किसानले अझै प्राप्त गर्न नसक्नु र स्वयम् किसानकै उखु मिलसम्म आउन नसक्नु हास्यास्पद भएको टिप्पणी गर्नुभयो । सरकारले कृषिमा आत्मनिर्भर बनाउने अभियान सुरु गरेपनि किसानलाई खुशी पार्न चुकेको भन्दै त्रिपाठीले किसानको उखुको खेतमै सुकेर समृद्धि नआउने तर्क गर्नुभयो ।

सरकारले उखुको समर्थन मुल्य तोक्ने मात्र नभई चिनी मिल समेत सञ्चालन गराउनु पर्ने उहा“को भनाई छ । उखु काटेर मिलमा ल्याई अर्को बाली लगाउने समयसम्म उखु खेतमै भएकोमा उहा“ले चिन्ता व्यक्त गर्नुभयो । नेपालमा चिनी उत्पादनको सम्भावना हुंदाहुदै पनि अहिले विदेशबाट चिनी आउने गरेको छ । सरोकारवालहरु आत्मनिर्भरमुखी भन्दा पनि आयातमुखी अर्थतन्त्रमै रमाएको कारण स्वदेशी उत्पादनले प्राथमितका पाउन नसकेको गुनासो छ ।