काठमाडौ, २२ कातिक । तिहारको रौनकस“गै बजारमा मिठाइको पनि ब्यापार बढेको छ । अन्य समयभन्दा तिहारको अवसरमा बजारमा मिठाइका विभिन्न परिकारहरुको माग बढी हुने गर्दछ । त्यसैले अहिले मिठाइ व्यापारीहरुलाई भ्याइनभ्याइ छ । तर के ती मिठाइहरु स्वास्थ्यवद्र्धक छन् त्यसमा सचेत हुन आवश्यक छ ।

तिहारको अवसरमा मिठाइको बिक्री बढ्ने भएकाले यति बेला काठमाडौं उपत्यकाका मिष्ठान भण्डारहरुलाई मिठाई उत्पादन गर्न भ्याइनभ्याइ छ । यस्तै, मिठाइ पसलमा उत्तिकै घुइ“चो छ । दिदीबहिनीले आफ्ना दाजुभाइलाई भाइकाका दिन टीका लगाएर मिठो खुवाउने मान्यताअनुरुप मिठाईको प्रयोग हु“दै आएको छ । त्यसैले यो सिजनमा मिठाइको बिक्री बढ्ने गरेको छ । यही मौकामा व्यापारीहरुले अन्य बेलाको तुलनामा चार गुणाबढी मिठाइ उत्पादन गरिरहेका छन् ।

उपभोक्तालाई आकर्षित गर्न बजारम पाउने मिठाईहरुमा विभिन्न रंग प्रयोग गर्ने र कम लगानीमा बढी नाफा गर्न गुणस्तरहीन तथा अखाद्यवस्तुहरुको मिसावट गर्ने गरेका छन् ।
त्यसैले बजारमा पाइने मिठाई खानयोग्य छन् वा छैनन् भन्नेमा उपभोक्ता नै सचेत हुन पर्ने अवस्था छ । किनकि, सरकारी निकायको अनुगमन प्रभावकारी हुन सकेको छैन । अखाद्य वस्तुको मिश्रण र त्यसमा पनि एक महिनाभन्दा बढीका बासी मिठाईहरुको उपभोक्ताहरुको स्वास्थयमा समेत नराम्रो असर पर्ने गरेको विशेषज्ञहरुको भनाइ छ ।

चाडबाडको समयमा खानपानमा उचित ख्याल गर्न सकिएन भने स्वास्थ्यमा विभिन्न किसिमका समस्या देखापर्ने गरेका छन् । दशैंमा मासु खाए जस्तै तिहारमा मिठाइका विभिन्न परिकारहरु खाने चलन रहेको छ । धेरै गुलियो मिठाइले स्वास्थ्यमा दीर्घकालीन असर गर्ने विज्ञको भनाइ छ ।

गुलियो मिठाइले मोटोपन, उच्च रक्तचाप, मुटुसम्बन्धी रोग, क्यान्सरको जोखिम बढाउन सक्छ । यसका साथै गुलियो धेरै खा“दा बान्ता हुने, झाडापखाला लाग्ने र पेट दुख्ने समस्या समेत हुन सक्छ । त्यसैले तिहारमा खाने खानामा विशेष ध्यान दिन विशेषज्ञको सुझाव छ । सकेसम्म घरमै बनाएको मिठाइ खानुपर्छ त्यसमा पनि शुद्ध तेल वा घ्यूको प्रगोग गर्नुपर्छ । कम मात्रामा खाने, हरियो सागसब्जी र फलफूल अनिवार्य रुपमा खान चिकित्सक सुझाव छन् ।