भद्रपुर, २० कात्तिक । तिहार तथा छठ पर्वलाई लक्षित गर्दै भारतबाट भित्राइएको ठूलो परिणामको बारुदजन्य पटका (विस्फोटक पदार्थ) प्रहरीले बरामद गरेको छ ।
भारतको विहार तथा बंगाल राज्यसंग जोडिएको झापा खुल्ला सीमावर्ती नाकाबाट नेपाल भित्राइएको करिब ७ लाख ९४ हजार ५४६ रुपैयाँ बराबरको पटका बरामद गरिएको प्रहरी कार्यालय झापाका प्रहरी उपरीक्षक भीमप्रसाद ढकालले जानकारी दिनुभयो ।
झापाको मेचीनगर, भद्रपुर, ज्यामिरगढी, कचनकवल, झापा, गौरीगञ्ज लगायत नाकाबाट प्रहरीले सो परिणामको पटका बरामद गरेको हो । सीमावर्ती नाकामा तैनाथ प्रहरीले बरामद गरिएको पटकालाई मंगलबार पत्रकार सम्मेलनमार्फत प्रहरी कार्यालय झापा परिसरमा नष्ट गरिएको छ ।
प्रहरीले विभिन्न प्रकारका १० देखि ५ हजार मुल्य बराबरको पटका बरामद गरेको थियो । नेपालमा प्रतिबन्ध लगाएको पटकाहरु तिहार तथा छर्ठ पर्वमा बिक्रीवितरणका लागि तस्करीको माध्यमबाट नेपाल भित्राएको प्रहरी उपरीक्षक ढकालले बताउनुभयो ।
पटका भित्राउने तस्कर प्रहरीलाई देख्न साथ सामान छाडेर भाग्ने गरेकाले उनीहरु पक्राउ पर्ने नसकेको उहाँको भनाई । ‘सीमावर्ती नाकाबाट अझै पनि पटका भित्रिने सक्ने कुरालाई मध्यनगर गरी त्यसतर्फ सुरक्षा सतर्कता बढाइएको उहाले बताउनुभयो ।’
यता भारतको बंगालमा बारुदजन्य पटका खुल्मखुल्ला बिक्रीवितरणमा बंगाल सरकारले रोक लगाएपछि अहिले विहारबाटै बारुदजन्य पटका नेपाली बजार भित्रीने गरेको बताइएको छ ।
प्रतिक्रिया दिनुहोस्