साङघाई, १९ कात्तिक । चीनको आर्थिक राजधानी साङघाईमा पहिलो अन्तराष्ट्रिय आयात एक्स्पो सुरू भएको छ । आज एक भव्य समारोहका बीच चिनिया राष्ट्रपति सि जिङपिङले एक्सपोको उद्घाटन गर्नुभएको छ ।

एक्स्पोमा नेपालबाट ६ वटा कम्पनीले भाग लिएका छन । पैचो पसल प्रा.ली  याक एण्ड यति, ह्यान्ड नट्स नेपाल, क्रियटिभ इन्ड्रस्ट्रिज एण्ड इन्टरप्रइजेज, वि किपिङ एण्ड रिसर्च सेन्टर, अन्टी ट्राभल्स र अराउन्ड द हिमालय कम्पनी  रहेका छन् ।  चीनमा पनि उत्पादनहरु निर्यात गर्ने उद्देश्यले खाद्यवस्तुमा पैचो पसल प्रालीले अाफ्नाे सहभागित जनाएकाे छ ।  आफ्नो विशाल बजारलाई आवश्यक पर्ने प्रविधि, मेशीन, खाद्यवस्तु, सेवा एवं सबै प्रकारका आवशयक सामाग्री विश्वभरबाट आयात गर्ने उद्देश्यले चीनले पहिलोपटक आयात एक्स्पो (1st China Import Expo CIIE) को आयोजना गरेको हो ।

एक्स्पोमा विश्वभरबाट १ लाख ५० हजार कम्पनीले भाग लिएका छन् । अमेरिकासँग व्यापार युद्धमा रहेको चीनले अमेरिकी आयातको विकल्पमा एशिया र अफ्रिकाबाट उत्पादित सामानहरूलाई प्राथमिकता दिन खोजेको छ । एक्स्पोमा पनि एशियाली मुलुक र अफ्रिकी मुलुकका धेरै स्टलहरू रहेका छन् ।