पोखरा,११ कात्तिक । कास्कीको उपल्लो सेतीमा अवैध रुपमा ¥याफ्टिङ सञ्चालन गर्ने ¥याफ्टिङको ठेकदार सुनिल चौलागाइ सहित ६ जना ¥याफ्टिङ गाइड पक्राउ परेका छन ।

विगत एक वर्ष देखी सेती नदीमा अवैध रुपमा ¥याफ्टिङ सञ्चालन गर्दै आएका एड्भान्स कम्पनीको नाममा ¥याफ्टिङ गाइडलाई भाडा लिइ अवैध रुपमा ¥याफ्टिङ सञ्चालन गर्दै आएका काठमाण्डौ कोटेश्वर घर भइ हाल पोखरा लेकसाइड बस्ने सुनिल चौलागाई सहित ¥याफ्टिङ गाइडहरु सानु गुरुङ, गणेश गुरुङ, सुवास सेडाइ, प्रकाश गुरुङ, किसाव गुरुङ र जीवन अधिकारीलाई कास्की प्रहरीले सेती नदीको याम्दी दोभानबाट ¥याफ्टिङमा प्रयोग हुने सामाग्री सहित पक्राउ गरेको हो ।

वडा प्रहरी कार्यालय वगरबाट खटिएको सादा पोशाकका प्रहरी हवलदार कृष्ण ढकालको नेतृत्वमा पुगेको प्रहरीको टोलीले उनीहरुलाई पक्राउ गरेको हो । पक्राउ परेकाहरुको साथबाट प्रहरीले ३ थान कायक र ३ थान ¥याफ्टिङ बोट सहित ¥याफ्टिङको सामाग्री ढुवानीमा प्रयोग भएको मामा ट्रान्सपोर्ट प्रालिको ग १ ख ८१२६ नम्बरको बसलाई समेत नियन्त्रणमा लिएको छ ।

कास्कीको अपर सेतीमा नेपालकै उत्कृष्ट ¥याफ्टिङ गन्तब्य मानिने भएतापनि पछिल्लो एक वर्षदेखी विभिन्न ¥याफ्टिङ कम्पनीको नाममा अवैध रुपमा ¥याफ्टिङ सञ्चालन गरेको पाइएपछि मंगलवार एडभान्सर ¥याफ्टिङ एण्ड ट्रेकिङ कम्पनीको नामबाट अवैध रुपमा सेतीमा ¥याफटिङ सञ्चालनको ठेक्का पट्टा गर्ने सुनिल चौलागाइ सहित ६ जना ¥याफ्टिङ गाइडलाई पक्राउ गरी आवश्यक अनुसन्धान थालिएको कास्की प्रहरी प्रमुख ओम बहादुर राना मगरले जानकारी दिए ।

पक्राउ परेकाहरु कुनैपनि कम्पनीबाट सञ्चालन नभएको भन्ने खुल्नमा आएकाले उनीहरुलाइ कानुन बमोजिम कारबाही गरिने समेत राना मगरले जानकारी दिए । उक्त समुहले वर्षा यामको समयमा पोखराको फुस्रे खोलामा समेत अवैध रुपमा ¥याफ्टिङ सञ्चालन गर्दै आएको खुल्नमा आएको छ ।