बुटवल,,१० कात्तिक । नेपाली कांग्रेसका प्रमुख सचेतक बालकृष्ण खांणले दुनियामा १० बर्ष कम्युनिष्ट शासन व्यावस्था चल्नै नसक्ने दाबि गर्नुभयो ।

बुटवलमा आयोजित एक कार्यक्रममा बोल्दै खांणले कम्यूनिष्टको आचरण र शैली संविधान विपरित चलिरहेको भन्दै सरकारलाइ कार्यशैली सच्चाउन अनुरोध समेत गर्नुभयो ।

उहाँले नेपालका अन्य दलहरुले पनि यस विषयमा बेलैमा सोच्नको लागि आग्रह समेत गर्नुभयो । नयाँ पुस्ताले चाहेको जस्तो मुलुक निर्माणको लागि लाग्नको लागि ढिला गर्न नहुने खांणको भनाइ छ ।

नेपालमा कम्यूनिष्ट पार्टीको आयुको गणना सुरु भएको तर्क गर्दै नेता खाँणले द्धन्द्धान्तमक भौतिक वादको सिद्धान्त अनुसार आयुगणना सुरु भएको बताउनुभयो । एकताको प्रक्रिया सकिएपछि एक दिन नेकपा विगठन भएरै जान्छ, जस्तै ढुंगा गिट्टी बालुवाको मिश्रण पछि घर बन्छ र अहिले नेकपाको घर बन्यो तर अब त्यहि घरको आयु घट्न शुरु भै सक्यो ।

कांग्रेस केन्द्रिय सदस्य खाणले कांग्रेसमा स्थायी गुटले दुख दिएको बताउनुभयो । उहाँले भन्नुभयो—यो गुट कहांबाट आयो र निरन्तरता पायो म अचम्म परेको छु, यस्लाइ तोड्नु पर्दछ ।’

कांग्रेस अब नया शीरा र शक्तिका साथमा अगाडि बढ्ने बेला आएको भन्दै अबको ५ बर्षमा पहिलो शक्ति बन्ने गरि काम शुरु हुने दाबि गर्नुभयो । उहाले सदाकै लागि नेपालमा सासन चलाउने सपना नेकपाले नदेख्नको आग्रह गर्नुभयो । उहाले भन्नुभयो–नेकपा भित्र विगठनको प्रक्रिया सुरु भईसकेको छ, बुटवलमा आएर मैले बोलें, के कसरी भन्ने कुरा कम्यूनिष्ट साथीहरुले एकपटक माक्र्ससिजम पढ्नुहोला ।’

पछिल्लो समयमा सरकारले गर्दै आएको गतिविधि तथा प्रधानमन्त्री केपी शर्मा ओलीको अभिव्याक्तिको कारण नै नेपालमा संघीयता धरापमा परेको उनको गुनासो छ । तर संघीयतालाई दिगोपना दिनको लागि नेपाली काग्रेस लागि परेको उल्लेख गर्नुभयो ।संघीयता धरापमा परेको भन्दै उहाले यसलाई दिगो रुपमा लैजानुको विकल्प नरहेको समेत बताउनुभयो ।