काठमाडौं, ८ कात्तिक । संचारकर्मी तथा गायक सन्दिप परियारको नयाँ गीत सार्वजनिक भएको छ ।

नेपालको चर्चित रियालिटि सो, द भोइस अफ नेपालको ब्याटल राउण्ड सम्म पुग्न सफल सन्दिपले पहिलो पटक आफ्नै अभिनय, निर्देशन र स्वरमा “भाग्य ठूलो” बोलको गीत ल्याएका हुन् ।

गीतमा सन्दिप परियार र भावना अर्यालको स्वर रहेको छ भने, श्रीलाल गुरुङको शब्द र सन्दिपकै संगीत रहेको छ ।

भिडियोमा सन्दिप संगै अस्मिता विश्वकर्माको अभिनय देख्न सकिन्छ । भिडियोलाई शक्तिप्रज्जवल घिमिरेले छायांकन र सम्पादन गरेका हुन् ।