धनकुटा, ६ कात्तिक । स्थानिय कच्चा पदार्थमा आधारित घरेलु तथा साना उद्योगको विकास र प्रवद्र्धनका लागि धनकुटामा नेपालमै पहिलो औधोगिक ग्राम स्थापना गरिएको छ । तर औधोगिक ग्राम सञ्चालनको कार्यबिधि नबन्दा पहिलो चरणका भवन निर्माण भए पनि सञ्चालनमा आउन सकेका छैनन ।

उद्योग स्थापनाको लागि धनकुटाको अमलेटारमा २०३९ सालमा ५८ रोपनी जग्गा अधिग्रहण गरियो । तर लामो समयसम्म कुनै पनि उद्योग स्थापना हुन नसक्दा संरक्षण अभावका कारण अधिग्रहण गरिएको जग्गा बेवारीसे बन्यो । अन्तत औधोगिक व्यवस्थापन लिमिटेडको स्वामित्वमा रहेको सो जग्गा औधोगिक ग्रामको नाममा ल्याएर औधोगिक ग्राम स्थापनाको तयारी गरियो । पहिलो चरणमा सुर्खेत र धनकुटामा औधोगिक ग्राम स्थापनाको तयारी गरिए पनि धनकुटामा भने पहिलो चरणको भवन निर्माण भइसकेको छ । यो सञ्चालनमा आएपछि पूर्वीपहाडको घरेलु तथा साना उद्योगको प्रबद्र्धनमा टेवा पुग्ने घरेलु तथा साना उद्योग बिकास समिति मुख्य शाखा कार्यलय प्रमुख दिपक पौडेलले बताए ।

हालसम्म करिब ४ करोड रुपैया“को लागतमा औधोगिक ग्रामको ४८ मध्ये पहिलो चरणमा १३ वटा ब्लक निर्माण गरिएको छ । त्यस्तै पह“ुच मार्ग, पर्खाल, गेट, दुई वटा शौचालय, बाथरुम, नालि र पानी ट्याङ्की निर्माण गरिएको छ । अब थप दुई चरणमा गरि थप ३५ ब्लक निर्माण हुने छन् । जहा“ साना उद्योग, आवास, बिक्रि कक्ष, बाल केयर सेन्टर, स्वास्थ्य सेवालगायतका सबै सेबा औधोगिक ग्राम भित्रै उपलब्ध हुने छन् । जग्गा अधिग्रहणको लामो समय पछि पुर्र्वाधार निर्माण भएपछि स्थानिय बासिन्दा तथा उद्यमी समेत खुसी बनेका छन् । स्थानियले रोजगार पाउने तथा धेरै उद्योग एकै ठा“उमा एकिकृत हुद“ा धेरै फाइदा पुग्ने स्थानिय उद्यमी कबिता कन्दङ्वाले विश्वास ब्यक्त गरिन ।

तर औधोगिक ग्रामको पहिलो चरणको काम सम्पन्न हुदा“ समेत सञ्चालन कार्यबिधि निर्माण हुन सकेको छैन । औधोगिक ग्राम कसको मातहतमा रहने भन्ने आन्यौलताका कारण कार्यबिधि बन्न नसकेको हो । जसका कारण पहिलो चरणमा सम्पन्न भएका भबन समेत सञ्चालनमा आउन सकेका छैनन् । अहिले त सरकारले एक स्थानिय तह एक औधोगिक ग्रामको नारा अघि सारेको छ । तर यो नारा अगाबै निर्माण सुरु गरिएको औधोगिक ग्राम तत्काल कार्य सञ्चालन बिधि निर्माण गरि सञ्चालन गर्न आवश्यक छ । यसले पूर्वी पहाडका साना उद्योगको प्रबद्र्धन गर्नुका साथै नेपालकै पहिलो र नमुना औधोगिक ग्राम बन्नेमा समेत दुई मत छैन ।