काठमाडौँ,२७, असोज । वडा प्रहरी कार्यालय नेपालगन्जले १५ सय लिटर घरेलु मदिरा बरामद गरेर नष्ट गरेको छ ।

नेपालगन्ज उप–महानगरपालिका वडा नम्बर ४ मा रहेको दिपेन्द्र मार्ग टोलबाट प्रहरीले घरेलु मदिरा र कच्चा पदार्थ नियन्त्रणमा लिएर शनिबार नष्ट गरेको हो ।

अवैध रुपमा घरेलु मदिरा उत्पादन र बिक्री वितरण गरिरहेको सुचनाको आधारमा प्रहरी निरीक्षक नारायण डाँगीको कमाण्डमा खटिएको टोलिले घरेलु मदिरा र मदिरा बनाउने कच्चा पदार्थसहित साम्रगी बरामद गरेको थियो ।

आधा दर्जन घरबाट १५ सय लिटर घरेलु मदिरा, मदिरा बनाउने प्रयोग गरिने भाडा १५ थान र कच्चा पदार्थ ४० किलो बरामद गरी नष्ट गरिएको प्रहरी निरीक्षक डाँगीले बताए ।

घरेलु मदिराका कारण समाजमा विभिन्न खालका घटनाहरु घट्ने भएकाले किनबेच तथा उत्पादनमा कडाइ गरिएको उनले जानकारी दिए ।

केही दिन अघि मात्र वडा प्रहरी कार्यालय नेपालगन्जले वडा नम्बर २ को दैलेखी बगांलाबाट १७ सय लिटर घरेलु मदिरा नियन्त्रणमा लिएर नष्ट गरेको थियो । अवैध घरेलु मदिरा नियन्त्रण अभियान जारी रहने प्रहरीले जनाएको छ ।