दाङ, २५ असोज । दाङमा भएको दुर्घटनामा परि दुई जना गम्भीर घाईते भएका छन् । दाङको दंगीशरण गाउँपालिका वडा नं. ७ श्रीगाउँमा बस र मोटरसाईकल एक आपसमा ठोक्किदा दुई जना गम्भीर घाइते भएका हुन् ।
विहीबार बिहान ९ बजे भएको दुर्घटनामा परि तुलसीपुर उपमहानगरपालिका वडा नं. २ निवासी ३९ वर्षीय प्रकास केसी र उनकी श्रीमती ३६ बर्षीय सुनिता केसी रहेको इलाका प्रहरी कार्यालय तुलसीपुरले जानकारी दिएको छ ।
उनीहरुको दुबैको खुट्टाको हड्डि फ्याक्चर भएको ईलाका प्रहरी कार्यालय तुलसीपुरका प्रहरी नायब उपरीक्षक प्रकाश सापकोटाले दिनुभयो । उनीहरुलाई थप उपचारका लागि हेलिकप्टरमार्फत काठमाडौं लगिएको उहाँले बताउनुभयो ।
प्रतिक्रिया दिनुहोस्