काठमाडौं, २१ असोज । एबीसी टेलिभिजनका अध्यक्ष शुभशंकर कंडलेद्वारा लिखित अवतरणको विमोचन भएको छ । नेपालमा सशस्त्र संङ्घर्ष रुपान्तरण, बिवाद र एमाले माओवादी एकतासम्मको बिषयबस्तुलाई आधार बनाएर लेखिएको पुस्तक प्रधानमन्त्री केपी शर्मा ओली र पूर्व प्रधानमन्त्री तथा नेकपाका अध्यक्ष पुष्पकमल दाहाल प्रचण्डले आइतबार बिमोचन गर्नु भएको हो । पुस्तक बिमोचन तथा अन्तक्रिया कार्यक्रममा प्रधानमन्त्री ओलीले पुस्तक अवतरण खोजमुलक पुस्तक भएको बताउनु भयो ।
अवतरण कम्युनिष्ठ आन्दोलनबाट आएको अवतरणलाई एमाले माओवादीको एकतापछि बनेको नेकपाको गन्तब्यको बाटो भएको बताउनु भयो ।
यस्तै अध्यक्ष प्रचण्डले पुस्तक नेपाली कम्युनिष्ट आन्लदोनको सन्देश र एकतामा केन्द्रित रहेको बताउनु भयो । उहा“ले पुस्तकमा नेपाल राजनीतिक इतिहास र कम्युनिष्ट आन्दोलनबारे यर्थाथ परक घटना समेटिएको बताउनु भयो ।
नेपाली कांग्रेसका नेता शेखर कोइरालाले नेपाली राजनीतिका शिखर पुरुष गिरिजाप्रसाद कोइरालाले दुरदर्शी क्षमता देखाएका कारण १२ बुदे समझदारी सम्भव भएको बताए । नेता कोइरालाले १२ बुंदे समझदारीपछि पनि गिरिजाप्रसादको योगदानलाई सही ढंगले सम्मान गर्न सकेको भए देशको कोर्ष त्यतिबेलै अलग ढंगले अघि बढिसकेको हुने धारणा राखे ।
यस्तै, पुर्व परराष्ट्रमन्त्री रमेशनाथ पाण्डले पुस्तक अवतरण नेपालको समकालिन राजनितिको स“गालो भएको बताउनुभयो ।
यस्तै राजनितिकशास्त्री प्राध्यापक कृष्ण खनालले पुस्तकले दुई कम्युनिष्टहरुको एकतामा अवतरण, एकतामा आन्तरिक पक्षको भित्रि पाटोलाई बाहिर ल्याउन सफल भएको उल्लेख गर्नुभयो ।
राजनितिक दस्तावेजको आधारमा लेखिएको पुस्तक अवतरणमा प्रचण्ड ओलीको सम्बन्ध देखि एकताको बाध्यता लगायत १६ अध्यायमा विभाजन छ । ६ सय पृष्ठ रहेको पुस्तक सेन्टर फर एशियन पोलिसी रिसर्च एण्ड स्टडिजले बजारमा ल्याएको हो ।
प्रतिक्रिया दिनुहोस्