काठमाडौं, ५ असोज । काठमाडौंका गोंगबुमा एक मानसिक रोगीलाई प्रहरीले निर्घात कुटपिट गर्ने स्थानिय र प्रहरीको छानविन सुरु भएको छ ।

उक्त भिडियो सामाजिक संजालमा पोष्ट भएपछि प्रहरी प्रधान कार्यालयले आन्तरिक छानबिन सुरु गरेको हो ।

यस घटना प्रति प्रहरी प्रधान कार्यालयले घटनाबारे चासो देखाएपछि महानगरीय प्रहरी वृत्त, महाराजगञ्जका प्रहरी निरीक्षक महेन्द्र दर्नालको नेतृत्वमा ३ सदस्यीय छानबिन समिति समेत गठन भएको छ । यसअघि ३ असोजमा प्रहरी ले मानसिक रोगीमाथि लाठी र बुट बर्साएको भिडियो सार्वजनिक भएको थियो ।

‘भिडियो हेरेपछि यर्थाथ कुरा बुझ्नलाई छानबिन समिति बनाउन महाराजगञ्जका डिएसपीलाई निर्देशन दिएको काठमाडौं प्रहरी परिसरका प्रमुख एसएसपी वसन्त लामाले जानकारी दिए । यसको छानविनका लागि ‘समिति बनिसकेको छ । यर्थाथ विवरण पत्ता लगाएर प्रतिवेदन पेश भएपछि कारबाही प्रक्रिया अघि बढ्छ ।’ उनले भने ।

यस्तो थियो घटना
असोज ३ गते विहान ६ बजे गोंगबुस्थित शिव मन्दिर चोकमा गत सोमबार एक प्रहरी अधिकारीले मानसिक रोगीमाथि कुटपिट गरेका थिए । यो भिडियो दिलनिशानी मगरले खिचेका थिए ।

भिडियो

https://youtu.be/YlKX6d9mY_w