काठमाडौं, २ असोज । कृषि तथा पशुपन्छी विकास मन्त्री चक्रपाणी खनालले समृद्ध नेपाल र सुखी नेपालीको मूल लक्ष्यलाई साकार पार्न मन्त्रालयले आफ्नो काम अघि बढाईरहेको बताउनुभएको छ ।
मन्त्रालयले सम्हालेको ६ महिनामा भएका कामकारवाहीबारे जानकारी दिन मंगलबार सिंहदरबारमा पत्रकार सम्मेलन गर्दे मन्त्री खनालले आफ्नो मन्त्रालयले सरकारले लिएको लक्ष्य हासिल गर्नका लागी काम अघि बढाईरहेको बताउनुभएको हो ।
मन्त्री खनालले कृषियोग्य भूमिमा भईरहेको तीव्र खण्डीकरणलाई निरुत्साहित तथा बा“झो जमिनलाई व्यवस्थित र नियमन गर्दै कृषि उत्पादन र उत्पादकत्व बढाउने, कृषिमा विविधिकरण, आधुनिकीकरण, व्यवसायिकरण, यान्त्रिकीकरण र प्रविधिकरण गर्न मन्त्रालयले काम गरिरहेको बताउनुभयो । परम्परागत र निर्वाहमुखी कृषि उत्पादन तथा वितरण प्रणालीलाई आयमूलक, व्यवसायिक र निर्यातयोग्य बनाउन कृषि क्षेत्रको समग्र रुपान्तरण आवश्यक रहेको उहा“ले बताउनुभयो ।
उहाले खाद्य स्वच्छता तथा जनजीविकाका सवाल , कृषि सामाग्री आपूर्ति, यान्त्रिकिकरण प्रवद्र्धन, पशुपन्छी स्वास्थ्य प्रवद्र्धन तथा नियमनमा मन्त्रालय गम्भीर रुपमा अघि बढेको जानकारी दिनुभयो ।
प्रतिक्रिया दिनुहोस्