काठमाडौं,३१ भाद्र । साउदी अरबमा काम गर्न जाने कामदारका लागि ६ वर्षपछि न्यूनतम ज्याला वृद्धि गरिएको छ ।

गत शुक्रबार बसको मन्त्रिपरिषदको बैठकले न्युनतम् ज्यालको सीमामा वृद्धि गर्ने श्रम, रोजगार तथा सामाजिक सुरक्षा मन्त्री गोकर्ण विष्टको प्रस्तावलाई स्वीकृत गरेको हो ।

न्यूनतम ज्याला १ हजार रियाल र खाना भत्ताबापत ३०० रियाल नदिई नेपाली कामदार साउदी लैजान नपाउने बताइएको छ । तोकिएको तलव सुविधा नभएमा श्रम स्वीकृति नै दिइने छैन ।

यसअनुसार खाने सुविधासहित नेपाली कामदारको सुविधामा करिब ९ हजार रुपैयाँले वृद्धि भएको छ । यसअनुसार अब नेपाली कामदारलाई ३० हजार रुपैयाँ तलव नदिई साउदी लैजान पाइने छैन ।

खानका र बस्नका लागि ९ हजारसम्म खर्चिनुपर्नेछ । नयाँ तलव नेपाली कामदारले अधिकतम् ज्याला ११००० रियाल र खानाभत्ता ५०० रियाल पाउनेछन् ।

मन्त्रालय स्रोतका अनुसार साउदी सरकारसँग विभिन्न चरण्माा छलफल गरेर ज्यालामा वृद्धि गरिएको बताएको छ । त्यसका लागि मन्त्री बिष्टले नै पहल गरेका थिए ।