काठमाडौं, २६ भाद्र । जापान सरकारले सिरहास्थित फूलकुमारी महतो मेमोरियल हस्पिटललाई सुविधा सम्पन्न मोबाइल क्लिनिक कार हस्तान्तरण गरेको छ ।
नेपालका लागि जापानका राजदुत मासामिची साइगोले मंगलबार नेपाल मेडिसिटी हस्पिटलमा गरिएको एक समारोहबीच हस्पिटललाइ मोबाइल क्लिनिक कार हस्तान्तरण गर्नुभएको हो ।
जापान सरकारले ग्रासरुट ह्युमन सेक्युरिटी प्रोजेक्ट अन्तर्गत यसपटक मोबाईल कार नेपाललाई उपहार स्वरुप प्रदान गरेको हो । विशेषगरी यस मोबाइल कारले दुर्गम क्षेत्रका जनतालाई सेवा दिन प्रयोगमा ल्याइने अस्पतालले जनाकारी दिएको छ । स्वास्थ्यकर्मीसहित उक्त मोबाइल कारबाट विभिन्न गाउ“हरुमा नियमित रुपमा गई स्वास्थ्य उपचार गर्ने बताइएको छ । यस क्लिनिकबाट सिरहा, धनुषा, उदयपुर र सिन्धुलीका नागरिकले लाभ पाउने अस्पतालले जनाएको छ ।
मोबाईल क्लिनिकले तराई क्षेत्रका जनतालाई उनीहरुकै घरदैलोमा स्वास्थ्यउपचार सेवा प्रदान गर्न सहयोग पुग्ने राजदुत साइगोले विश्वास व्यक्त गर्नुभयो । उपचारका लागि अस्पतालसम्म आउन गाह्रो हुने वा दुर्घटनामा परेका बिरामीलाई मोबाइल क्लिनिकबाट चिकित्सकसहितको टोलीले तत्काल उपचार गर्ने अस्पतालले जनाएको छ । चिकित्सक परामर्श तथा उपचारका कक्षको ब्यवस्था गरिएको घुम्ती ‘क्लिनिक’मा एक्सरे एवं ल्याबसहितको सुविधा रहने बताइएको छ ।
प्रतिक्रिया दिनुहोस्