काठमाडौं १९ भाद्र । काठमाडौको नागढुंगाबाट नक्कली सुन सहित ६ जना पक्राउ परेका छन् ।

महानगरीय प्रहरी परिसर काठमाडौंले मंगलबार पत्रकार सम्मेलन गर्दे नक्कली सुनलाई सक्कली भनि बेच- बिखन गर्ने उद्देश्यले ओसार प्रसार गरिरहेको भन्ने गोप्य सूचनाको आधारमा नागढुंगामा चेकजाँच गर्ने क्रममा ६ जना पक्राउ परेको जनाएको हो ।

पक्राउ पर्नेमा धादिङका अभिषेक तामाङ, नुवाकोटका राम तामाङ, धादिङका राज तामाङ, नुवाकोटका जितेन तामाङ, नुवाकोटका वीरेन्द्र तामाङ र धादिङकै राजकुमार तामाङ रहेका छन् । उनीहरुलाई नियन्त्रणमा लिएर अनुसन्धान गर्ने काम भइरहेको परिसरका प्रवक्ता प्रहरी उपरिक्षक रामदत्त जोशीले जानकारी दिनुभयो ।

त्यस्तै प्रहरीले चोरी गरेका सामान सहित १ जनालाई पक्राउ गरेको छ । पक्राउ पर्नेमा काठमाडौ दहचोक बस्ने सुन्दर रोक्का रहेको महानगरिय प्रहरी बृत थानकोटका प्रमुख प्रहरी नायव उपरिक्षक नवरत्न पौडेलले जानकारी दिनुभयो

त्यस्तै प्रहरीले काठमाडौको बिष्णुमति पुल नजिकै चितुवाको छाला सहित १ जनालाइ पक्राउ गरि अनुसन्धान भईरहेको जनाएको छ ।