दाङ, ,८ भाद्र । माग अनुसारको सुन सरकारले व्यापारीहरुलाई उपलब्ध गराउन नसकेको विरोधमा दाङमा सुनपसल शुक्रवारदेखि २ दिन सम्म बन्द गरिएको नेपाल सुनचाँदी ब्यबसायि संघ दाङले जनाएको छ ।

सुन ब्यापारमा सरकारले सिन्डिकेट लगाएको छ , अन्य समयमा भन्दा चाडपर्वको बेला सुनको माग बजारमा बढि हुन्छ । प्रर्याप्त मात्रमा सुन नआउदाँ आफुहरुले ग्राहकहरुलाई माग अनुसारको सुन उपलब्ध गराउन नसेको तुलसीपुर सुनचाँदी ब्यवसायीका अध्यक्ष मदन केसीले बताए ।

उनले केहि दिन देखी चितवन, भैरवा लगाएतका ब्यवसायीहरु बन्द छन । त्यसैले आफुहरुले विरोध स्वरुप २ दिन सम्म जिल्लाका सुन पसलहरु बन्द गरेको बताए । जिल्लामा करिब ३ भन्दा बढि सुनपसलहरु छन, ति पसलहरुलाई दैनिक २÷३ किलो आवश्यक पर्दछ ।

तर हिजो आज १-२ किलो मात्र सुन जिल्लामा आउने गर्दा त्यो सुन जिल्लामा अपुग हुने अध्यक्ष केसीले बताए । त्यस्तै ब्यापारीहरुले सिण्डीकेटका कारण सुन अभाव देखिएको वताउँदै तत्काल सुन ब्यापार खुल्ला गरिनुपर्ने माग गरेका छन् ।

सरकारको सुन खरिदमा एकाधिकार भएका कारण माग अनुसारको सुन ब्यबसायिहरुले खरिद गर्न नपाउने र ग्राहकलाई चाहे जति उपलव्ध गराउँन नसक्ने अबस्था आएकाले तुलसीपुरमा सुन पसल गर्दै आएका लोकराज स्वर्णकारले बताए । उनले कि सरकारले ब्यवसायीहरुले मागे अनुसार सुन दिनु पर्छ । नत्र भने सरकारले एकाधिकार छोड्नु पर्ने बताए ।