दाङ, ८ भाद्र । शुक्रबारदेखि दाङका सुनचाँदी पसल बन्द भएका छन् । माग अनुसारको सुन सरकारले उपलब्ध गराउन नसकेको भन्दै व्यवसायीले पसल बन्द गरेका हुन ।
दाङको घोराहीमा बसेको नेपाल सुनचाँदी व्यावसायी संघ बैठकले शुक्रबारदेखि आइतबारसम्म सुनचाँदी पसल बन्द गर्न निर्णय गरेको नेपाल सुनचाँदी व्यावसायी संघ, दाङका अध्यक्ष विनोद विश्वकर्माले जानकारी दिनुभयो ।
व्यवसायीहरु सरकारले सुनमा सिन्डिकेट लगाएको हुँदा पछिल्लो समय सुन अभाव देखिएको बताउँदै तत्काल सिन्डिकेट खारेजीको माग गरेका छन् । चार्डपर्व नजिक आउँदै गर्दा सुनका गरगहना अत्यधिक माग भैरहेको छ ।
सरकारले व्यापारीलाई समयमै सुन उपलव्ध गराउन नसक्दा समस्या भएको व्यवसायीको बताउँछन् ।
प्रतिक्रिया दिनुहोस्