काठमाडौं ३० साउन । आज अगस्ट १५ काठमाडौेंस्थित भारतीय दुतावासमा ७२ आंै भारतीय स्वतन्त्रता दिवस मनाइएको छ ।

भारतीय राजदुत मंजिव सिंह पुरीले भारतको राष्ट्रिय ध्वजा फहराउदै उद्घाटन गरीएको कार्यक्रममा गोर्खा सेनामा बीर गति प्राप्त गर्ने सैनिकको परिवार, एकल महिला र युद्धमा अपाङग भएका भूतपूर्व नेपाली सैनिक १२ जनालाई ५ करोड ३५ लाख नगद रुपैयाँ तथा कम्मल पनि वितरण गरिएको थियो ।

प्रत्येकलाई ७१ लाख ५० हजार रुपैया“ नगद प्रदान गरिएको थियो । दिवसको अवसरमा नेपाल भारत सम्बन्ध कायम गर्न ७७ जिल्लका विभिन्न शैक्षिक संस्थालाई १७ लाख बराबरको पुस्तक वितरण गर्दै, सबै प्रदेशमा रहेका अस्पताल, गैर नाफामुलक परोपकार संस्था र शैैक्षिक संस्थाहरुलाई ३० वटा एम्बुलेन्स र ६ वटा बसहरु हस्तान्तरण गरेको थियो ।

यसअघि भारतले ६ सय ९२ वटा एम्बुलेन्स र १ सय ३६ वटा बस वितरण गरीसकेको छ । समारोहमा भारतीय राजदुत पुरीले भारतीय राष्ट्रपति रामनाथ कोविन्दले देशबासीको नाममा दिनु भएको सन्देश पढेर सुनाउनु भएको थियो । सन्देशमा भारत स्वतन्त्र भएको ७१ वर्षयताका उपलब्धिहरुको चर्चा गरिएको छ ।

समारोहमा भारतीय दुतावासका कर्मचारीहरु, उनीहरुका परिवारलगायत नेपालमा रहेका भारतीय समूदायको सहभागिता रहेको थियो । समारोहमा भारतीय सांस्कृतिक केन्द्र, केन्द्रिय विद्यालय, मोर्डन इन्डियन स्कुलका विद्यार्थीहरुले देशभक्तिपूर्ण गीत गाएका थिए ।