‘युवाका लागि सुरक्षित वातावरण’ भन्ने नाराका साथ आज विश्वभर १९ औं अन्तर्राष्ट्रिय युवा दिवस मनाइदैछ ।
युवाका सवाललाई सम्बोधन गर्ने उद्देश्यले संयुक्त राष्ट्र संघले सन् १९९९ देखि हरेक वर्षको अगष्ट १२ लाई अन्तर्राष्ट्रिय युवा दिवसका रुपमा मनाउने निर्णय गरेको थियो ।

नेपालमा सन् २००४ देखि युवा दिवस मनाउन लागिएको हो । यस वर्ष युवा दिवसका लागि संयुक्त राष्ट्रसंघले ‘सेफ स्पेस फर युथ’ भन्ने नारा तय गरेको छ भने नेपालमा यसलाई ‘यूवाका लागि सुरक्षित वातावरण’ भनेर तय गरिएको छ । नेपालमा १६ देखि ४० वर्षको उमेर समूहभित्रको जनशक्तिलाई युवा मान्ने गरिएको छ ।

नेपालको कुल जनसंख्यामध्ये एक करोड ६ लाख युवा रहेका छन् । जनसंख्याको आधारमा नेपालमा युवाको जनसंख्या सबैभन्दा बढी भएकाले यसलाई अर्थशास्त्रीहरूले लाभका रूपमा हेरेपनि युवा जनशक्तिलाई सदुपयोग गर्न नसक्दा झण्डै ४० लाख युवा विदेशमा श्रम बेच्न बाध्य छन् ।

युवाका लागि सुरक्षित वातावरण’ भन्ने नारालाई अवसर, सूचना, साधन÷स्रोतको पहु“च, युवाको पेशागत भविष्य, रोजगारीका अवसर, क्षमता विकासका लागि सुरक्षित वातावरण निर्माण गर्ने सन्दर्भसंग जोडिनुपर्ने विज्ञहरुको भनाइ छ ।