काठमाडौं, २३ साउन । भक्तपुरमा प्रहरी इन्काउन्टरमा मारिएका दुई अपहरणकारीको परिवारले गैरन्यायिक हत्या भएको भन्दै राष्ट्रिय मानव अधिकार आयोगमा उजुरी दिएका छन् ।
बुधबार आयोगको कार्यालय पुगेका उनीहरुले उक्त घटना इन्काउन्टर नभई हत्या भएको भन्दै छानबिनका लागि उजुरी दिएका हुन् ।
पेप्सीकोलाका ११ वर्षीय बालक निशान खड्काको अपहरणपछि हत्या गर्ने आरोपमा प्रहरी इन्काउन्टरमा मारिएका अजित तामाङ र गोपाल तामाङको परिवारले आयोगमा उजुरी दिएका छन् । उनीहरुले घटनाको सत्य तथ्य छानबिनका लागि आयोगसमक्ष आग्रह गरेका छन् ।

प्रहरीले गोपाल तामाङ र अजय तामाङको ‘इन्काउन्टर’ गरेकाे जनाएकाे थियाे।

तर साेमबार बिहानै उनीहरू बस्ने काेठाबाट प्रहरीले तामाङ द्वयलार्इ पक्राउ गरी लगेकाे प्रत्यक्षदर्शीले बयान दिएका थिए। प्रहरीले अपहरित बालक बचाउन नसकेपछि अपहरणमा संलग्न भनिएका तामाङद्वयलार्इ मारेकाे देखिएकाे थियाे। प्रहरीले अात्मरक्षाका लागि गाेली चलाएकाे जनाए पनि त्यसकाे भरपर्दाे अाधार पेश गर्न नसकिरहेकाे अवस्थामा परिवार सदस्यले घटनाको निष्पक्ष छानवीन गर्न माग गर्दै मानव अधिकार अायाेगमा निवेदन दर्ता गराएका हुन्।

पक्राउ गरिसकेपछि अभियुक्तकाे जीवन रक्षा प्रहरीकाे जिम्मेवारी हो। प्रहरीले अपहरणकारी बस्ने घरधनीसँग समेत कुराकानी गरिसकेको, नियन्त्रण लिएर प्रारम्भिक बयान समेत लिइसकेपछि ‘इन्काउन्टर’ भएकाे देखिएकाे छ। बालक उद्धारमा खटिएकाे काठमाडाैं प्रहरी परिसर र महानगरीय प्रहरी अपराध महाशाखाका दुर्इ छुट्टा छुट्टै टाेलीबीच समन्वय समेत नभएकाे घटनाका तथ्यहरूहरूले देखाएका छन्।