वीरगन्ज,१३ साउन । वीरगन्ज महानगरपालिकाले वीरगन्जमा अत्याधिक कर बृद्धि गरेको भन्दै आज विरोध प्रदर्शन गरेका छन । वीरगन्ज उधोग बाणिज्य संघ लगायत करिव ३५ वटा संघ संस्थाहरुले माहानगरपालिकाले सयौ गुणा भन्दा बढी कर साउन १ गते देखी बृद्धि गरेको विरोधमा वीरगन्जमा प्रर्दशन गरेका हुन ।

वीरगन्ज उधोग बाणिज्य संघको नेतृत्वमा वीरगन्जको घण्टाघरबाट निकालिएको जुलुश माईस्थान, आर्दशनगर हुदै नगरपरिक्रमा गर्दै वीरगन्ज महानगरपालिकाको कार्यालय पुगेका थिए ।

पर्सा कवाडी ब्यवसायी संघ, पर्सा सुनचादी ब्यवसायी संघ, बिभिन्न खुद्रा ब्यवसायी संघ लगायतका संघहरु समेत विरोध प्रदर्शनमा सहभागिता रहेको थियो ।

माहनगरपालिकाले करिव १ हजार प्रतिशत भन्दा बढी कर कवाडी कर, यातायात कर, ट्रन्सपोर्ट कर, सम्पती कर, नया सवारी कर, औधोगिक उत्पादन कर घरजग्गा कर, भारतिय गाडीमा लगाएको सवारी कर लगायतकाहरुमा बृद्धि  गरेको करको बिरोधमा आज वीरगन्जमा विरोध प्रर्दशन गरेका हुन । बिरोध प्रर्दशनमा सहभागी रहेकाहरुले हातमा प्ले कार्ड सहित नगरमा प्रर्दशन गरेका थिए ।

महानगरपालिका कार्यालय पुगेका प्रर्दशनकारीहरुले वीरगन्ज महानगरपालिकाका मेयर विजय सरावगीलाई वीरगन्ज उधोग बाणिज्य संघका अध्यक्ष ओम प्रकाश शर्माले ज्ञापनपत्र बुझाउदै ७ दिन भित्र २०७५÷२०७६ को चालु आर्थिक बर्षमा लागु हुने गरी लगाएको कर महानगरपालिकाले बृद्धी गरेको कर फिर्ता लिन आग्रह समेत गरेका थिए ।
सात दिन भित्र लागु गरिएको कर फिर्ता महानगरले नगरे कडा आन्दोलन गर्ने चेतावनी समेत मेयर सरावगीलाई उधोग बाणिज्य संघले दिएको छ । वीरगन्जका मेयर सरावगीले ज्ञापनपत्र बुझदै करको विरोध गर्नु भन्दा पनी केही आफुहरुले गलत कर निर्धारण गरेको भए त्यसको समाधान छलफलबाट निकास निकाल्नु पर्ने बताए ।

करको बिरोधमा प्रर्दशन गर्दै बीरगंज महानगरपालिकाका मेयर सरावगीले ज्ञापनपत्र बुझदै उधोगी ब्यापारी र आम जनता संग कुरा गर्दै नेपालमा पहिला आन्दोलन गर्ने अनी छलफल गर्ने बानी हावी भएको भन्दै चित्त नबुझे छलफलबाट समाधान खोज्नु पर्ने बताउदै त्यो बानीलाई समाप्त्त पार्नु पर्ने बताए ।

मेयर सरावगीले कतिपय कर बृद्धि गरेको गलत होला तर कतिपय सही छ भन्दै यसलाई समझदारी र वार्ताको माध्यमबाट समाधान गर्नुपर्नेमा बताउनुभयो ।