रुकुम ९ साउन । रुकुम(पश्चिम)मा गत आर्थिक वर्ष २०७४÷०७५ मा ठुलो रकम खर्च हुन नसकि फ्रिज भएको छ । स्थानीय तह र विषयगत कार्यालयहरुले खर्च गर्न नसकेको झण्डै पौने एक अर्व बजेट फ्रिज भएको छ ।

गत वर्ष ७४ करोड ४५ लाख ८६ हजार आठ सय ६१ रुपैया“ ७४ पैसा खर्च हुन नसकि फिर्ता गएको कोष तथा लेखा नियन्त्रण कार्यालय रुकुम(पश्चिम)ले जनाएको छ । जिल्लाका ६ स्थानीय तह र विषयगत कार्यालयका लागि गत वर्ष कुल पाँच अर्व ४४ करोड ४९ लाख २४ हजार दुई सय ४५ रुपैया“ ३६ पैसा विनियोजन भएकोमा चार अर्व ७० करोड तीन लाख ३७ हजार तीन सय ६१ रुपैया“ ६२ पैसा मात्रै खर्च हुन भएको छ ।

पुँजिगत खर्च तर्फको बजेट बढी फ्रिज

कुल बजेटबाट चार अर्व ६१ करोड १४ दाख ७१ हजार ६ सय ५० रुपैया“ ३६ पैसा चालुतर्फ विनियोजन गरिएकामा ४ अर्व एक करोड ९० लाख एक हजार आठ सय ४६ रुपैया“ ८८ पैसा मात्र खर्च भयो ।

चालुतर्फको ५९ करोड २३ लाख ६९ हजार सात सय तीन रुपैया“ ४८ पैसा फ्रिज भएको छ । पु“जिततर्फ चालुको भन्दा बढी बजेट फ्रिज भएको छ । ८३ करोड ३५ लाख ५२ हजार पा“च सय ९५ रुपैया“ विनियोजन गरिएकोमा ६८ करोड १३ लाख ३५ हजार चार सय १४ रुपैया“ ७४ पैसा मात्रै खर्च भएको कोष तथा लेखा नियन्त्रण कार्यालयका सूचना अधिकारी जोगेन्द्र पुनले वताए ।

पुनका अनुसार पु“जिगततर्फको १५ करोड २२ लाख १७ हजार एक सय ८० रुपैया“ २६ पैसा फ्रिज भएको छ । यो पु“जिततर्फको कुल बजेटको १८.२७ प्रतिशत हो । आर्थिक वर्ष २०७४÷०७५ मा त्यस अघिका आर्थिक वर्षभन्दा केही बढी बजेट खर्च भएको बताइएको छ ।

साढे १० करोड राजश्व संकलन

वितेको आर्थिक वर्षमा जिल्लामा दश करोड ४१ दाख ९६ हजार सात सय २० रुपैया“ १८ पैसा राजश्व संकलन भएको छ । विभिन्न शीर्षकबाट उक्त राजश्व उठेको कोष तथा लेखा नियन्त्रण कार्यालयले जनाएको छ ।

यसैगरी धरौटीतर्फको कारोबार अन्तर्गत आम्दानीतर्फ पाच करोड ४४ लाख ४४ हजार एक सय ४९ रुपैया“ ९० पैसा रहेको छ भने खर्च तर्फ ८८ लाख ९७ हजार पा“च सय २१ रुपैया“ १४ पैसा रहेको छ । धरोटीतर्फको कारोबार अन्तर्गत चार करोड ५५ लाख ४६ हजार ६ सय २८ रुपैया“ ७६ पैसा बा“की रहेको जनाइएको छ ।

विविध खर्च तर्फ २ करोड ४८ लाख ५४ हजार ६ सय २३ रुपैया“ ४० पैसा आम्दानी भएको छ । एक करोड १४ लाख ३२ हजार दुई सय ९४ रुपैया“ ३९ पैसा खर्च भएको उक्त खातामा अब एक करोड ३४ लाख २२ हजार तीन सय २९ रुपैया“ दुई पैसा बा“की रहेको सूचना अधिकारी पुनले जानकारी दिए । विभिन्न कार्यक्रम सञ्चालनका लागि यो खातामा रकम आउने र यसैबाट खर्च हुने गरेको भनाई उनको छ ।