धनकुटा १० साउन । धनकुटाको भेडेटार नजिक एक होटलमा होटल मजदुर बीच भएको झगडामा एक मजदुरको ज्यान गएको छ। साँगुरीगढी गाउँपालिका वडा नं. ६ मा रहेको होटल माउण्ट एभरेष्टमा कार्यरत २ मजदुर बीच झगडा हुँदा सोही ठाउँका वर्ष १८ का सुरज राईको ज्यान गएको हो।
कामदार मात्र भएको अवस्थामा आपसी विवाद हुँदा सुनसरी चक्करघटीका करिव वर्ष १९ का निशान लिम्बुले गरेको धारिलो हतियारको प्रहारबाट राईको ज्यान गएको भेडेटार प्रहरीले जानकारी दिएको छ।
टाउकोमा गम्भिर चोट लागेका राईको घटना स्थलमा नै मृत्यु भएको भेडेटार प्रहरीका प्रहरी नायव निरीक्षक सई मेम बहादुर बस्नेतले जानकारी दिए। बिहिबार बिहान करिव ९ बजेतिर भएको उक्त घटनामा पछि दोषी लिम्बुलाई अनुसन्धानका लागि नियन्त्रणमा लिईएको बस्नेतले जानकारी दिए।
प्रतिक्रिया दिनुहोस्