वीरगन्ज,१० साउन । वीरगन्ज भन्सार कार्यालयले आर्थिक बर्ष २०७४-२०७५ मा राजश्व सङ्कलन लक्ष्य हासिल गर्न असफल भएको छ । भन्सार विभागले वीरगंज भन्सार कार्यालयलाई २०७४-२०७५ मा दिएको लक्ष्यको जम्मा ९७.४८ प्रतिशत मात्र राजश्व असुली गर्न सफल भएको हो ।

आर्थिक बर्ष २०७४ साउन देखि २०७५ आषार मसान्त सम्मको एक बर्षमा भन्सार विभागले वीरगंज भन्सार कार्यालयलाई १ खर्व ३४अर्व ३९ करोड २४ लाख २५ हजार रुपैया लक्ष्य दिएकोमा बीरगंज भन्सारले १ खर्व ३१ अर्व ३१ लाख १७ हजार रुपैया मात्र राजश्व असुली गर्न सफल भएको बीरगंज भन्सार कार्यालयका प्रमुख सेवन्त पोखरेलले जनाएका छन ।

भन्सार बिभागले बिभिन्न चारवटा शिर्षकहरुमा भन्सार कर, मुल्य अभिबृद्धी कर, अन्तः शुल्क करहरुमा दिएको असुली लक्ष्यमा बीरगंज भन्सारले सव भन्दा बढी अन्तः शुल्क करमा २४.८१ प्रतिशत अर्थात १८ अर्व ३७ करोड ३२ लाख ६३ हजार रुपैया असुली लक्ष्य दिएकोमा २२ अर्व ९३ करोड १० लाख ९३ हजार रुपैया राजश्व असुली गरेको छ ।

भन्सार बिभागले दिएको लक्ष्य बीरगंज भन्सारलाई भन्सार कर तर्फ ५६ अर्व ६३ करोड ३० लाख ६९ हजार रुपैयामा ४७ अर्व ५३ करोड ११ हजार रुपैया मात्र अर्थात ८३.९३ प्रतिशत मात्र राजश्व असुली गर्न सफल भएको छ ।