नेपालगन्ज,२६ असार । बाकेमा केही बर्षदेखि बिना दर्ता सञ्चालनमा रहेका ईरिक्सा १५ दिनभित्र दर्ता गरिसक्नु पर्ने भएको छ ।

नेपालगन्जमा बसेको यातायात व्यवस्था समितिको बैठकले १५ दिनभित्र ईरिक्सा यातायात व्यवस्था कार्यालय भेरीमा दर्ता गर्नुपर्ने निर्णय रहेको हो । बा“के जिल्लामा अधिकांश ईरिक्साहरु दर्ता नभएरै संचालनमा रहेको जिल्ला ट्राफिक कार्यालय बा“केले जनाएको छ ।

१५ दिनभित्र ईरिक्सा दर्ता नगरिए कानुन बमोजिम कडा कारबाही गर्ने निर्णय गरिएको जिल्ला ट्राफिक कार्यालय बाँकेका प्रमुख प्रहरी निरीक्षक हिरेन्द्र बहादुर रोकायले बताए ।
एक बर्षअघि समेत ईरिक्सा अनिवार्य दर्ता गर्नुपर्ने निर्णय गरिएपनी त्यसको कार्यान्वयन हुन सकेको थिएन । यातायात व्यवस्था समितिका सदस्य रहेका रहेका प्रहरी निरीक्षक रोकायले सरोकारवालाहरुको समन्वयमा यो निर्णय लागु गरेरै छाडिने बताए ।

ई रिक्सा चालकको चालक अनुमती पत्र समेत अनिवार्य रुपमा हुनुपर्ने बैठकले निर्णय गरेको छ । जिल्लाभरी साढे ८ हजार वटा ईरिक्सा रहेको ट्राफिक प्रहरीले अनुमान गरेको छ ।

ति मध्ये ४ हजारको हाराहारीमा मात्र यातायात व्यवस्था कार्यालय भेरीमा दर्ता भएका छन् । दर्ता गरेर इरिक्सा चलाउंदा दुर्घटना कम हुनुका साथै व्यवस्थित रुपमा संचालन हुने ट्राफिक प्रहरीले आशा गरेको छ ।