काठमाडौं २४ असार । नेपाल संस्कृत विश्वविद्यालयका उपकुलपति  प्राध्यापक डाक्टर कुलप्रसाद कोइरालाले विदेश जान अनुमति नलिएको शिक्षा मन्त्रालयले जनाएको छ ।

मन्त्रालयले सार्वजनिक पद धारण गरेका ब्यक्तिले सम्बन्धित पदाधिकारीको हैसियतमा वैदेशिक भ्रमण गर्दा कानुन बमोजिम सम्बन्धित निकायबाट अनुमति लिनुपर्ने भएता पनि उपकुलपति कोइरालाले अनुमति नलिएको मन्त्रालयले जनाएको छ । मन्त्रालयले विज्ञप्ती जारी गर्दै उपपकुलपति कोइरालाको भिसा सिफारिसका निम्ती विश्वविद्यालयबाट मन्त्रालयमा कुनै प्रकारको अनुरोध नआएको मन्त्रालयले जनाएको छ । उता विश्वविद्यालयभित्रकै स्रोतका अनुसार कोइरालाले भने कार्यकारी परिषदबाट विधिवत निर्णय  समेत नगराई विदेश जान लागेको बताईएको छ ।

आजदेखि  १७ जुलाईसम्म क्यानडाको भ्यानकुभर सहरमा आयोजित १७ औ अन्र्तराष्ट्रिय संस्कृत संम्मेलन सहभागी हुन उपकुलपति कोइराला सहित उनका रोजाइका १८ जनाले भिसा एप्लाइ गरेका थिए  । जसमा ६ जनाको मात्र भिसा लागेको थियो । चार महिनाअघि देखि भिसा माग गरेकामध्ये उपकुलपति कोइरालाको भिसा नलागेपछि उनले पुनः आवेदन दिएका थिए । भिसा आवेदनका क्रममा कतिपयले श्रीमतीको समेत नाममा आवेदन गरेका थिए ।

स्रोतका अनुसार श्रीमान श्रीमती भन्दै भिसा लिएर विदेश गएता पनि कथित श्रीमती विदेशै छाडेर आउने योजना रहेको विश्वविद्यालय स्रोतको दावी छ । अर्को अचम्म त संस्कृत सम्मेलनमा विदेश भ्रमण गर्नेेमा नेपाली विषयका ३ जना, तन्त्रका १ जना र बौद्ध दर्शनका २ जना छन् । संकृति विषयका विद्धानले सहभागिता जनाउनु पर्ने सम्मेलनमा गैर संस्कृत विषयका व्यक्ति सम्मेलनमा सहभागी हुन खोज्नुमा विदेश शयरको मात्र चाहना प्रष्ट देखिएको छ ।

विदेश भ्रमणमा जा“दा कोइरालाले विश्वविद्यालय ऐन अनुसार कसैलाई कार्यवाहक समेत दिएका छैनन् । कोइरालालाई मन्त्रालयको अनुमति विना विदेश जान लागीएको भन्दै एअरपोर्टबाट फिर्ता गरिएको मन्त्रालयले जनाएको छ ।उपकुलपति कोइरालाको नियमित सम्पर्कमा रहनु पर्ने सहकुलपति तथा शिक्षा मन्त्री गिरिराजमणि पोखरेल भने यस विषयमा उदासिन देखिएका छन् । कोइरालाले दुई हप्ता पहिले मन्त्रालयमा विदा स्वीकृतको निवेदन दर्ता गराएको दाबी गरेका छन् ।